Frongafös
Aus Wikipedia
| Karte | |
|---|---|
 |
|
| des wichtigsti | |
| Bundeslond: | Niedaöstareich |
| Bezirk: | Sonktpödn (PL) |
| Flächn: | 56,11 km² |
| Ewona: | 2187 (Voikszölung 2001) |
| Hechn: | 464-900m |
| Postleitzoi: | 3213 |
| Voawoi: | 02725 |
| loge: | 47,9667 n. Br. 15,3167 ö. L. |
| Adress: | Marktgemeinde Frankenfels Markt 10 3213 Frankenfels |
| Offiziöli Seitn: | www.frankenfels.at |
| e-mail: | marktgemeinde@frankenfels.at |
| Politik | |
| Buagamoasta: | Ernst Langthaler |
Frongafös (DE: Frankenfels) is a kloana Moakt mit 2.187 Leid im Sonktpödna Bezirk in Niedaöstareich. Frongafös wiad auf de Endsübn betont. Stodtleit und heitzutogs a scho etla Dosige betonan Frongafös auf de erste Sübn.
Inhaltsverzeichnis |
[dro wärkln] Geografie
Frongafös is im Mostviadl in Niedaöstareich und hod 56,11 km². 57,34 Prozent va da Flächn is Woid. Duach Frongafös rinnt de Natters, des is a kloas Nebnbachal va da Pielach. De Pielach rinnt owa a a poahundat meta duachs Gmoagebiet.
In Frongafös gibts in Moakt und Gegendn und Rottn:
Fokaschtoarotte, Fischbomürotte, Grassarotte, Gstettngegnd, Hofstodtgegnd, Koarotte, Lambogegnd, Lechagegnd, Moaknschlogrotte, Peenarotte, Pielachleitngegnd, Rosnbichlrotte, Edrotte, Taschlgromrotte, Tiafgromrotte, Weißnbuaggegnd und Wiesrottn.
De Eiteulung fa de Rotten is fa friaraszeiten, wos in jeda Rotte an Rottmo' gebm hot, dea wos fia de Baunleit ban Buaghean gredt hot.
[dro wärkln] Geschichte
Friaraszeiten im Oitatum hot Fronkafös za da römischn Provinz Noricum gheat. Nochhea woan amoi a poa Slawen im Lond. In da neichan Zeit hom owa in Fronkafös oiweu baiern glebt.
[dro wärkln] Eiwohna
Ba da Voikszölung 2001 woan 2187 Leid Frongafösa. 1991 hots 2118 Eiwohna gebm, 1981 2026 und 1971 1989 Leid.
[dro wärkln] Politik
Buagamoasta is da Langthala Ernst, Vize und Omtsleita is da Größbocha Fronz.
Im Gmoarod sitzn seit da Woi am 6. Meaz 2005:
de schwoazn (ÖVP): 13 de rotn (SPÖ): 8
ois mitanond san des 21 Sitz'. A Zeitlong hots a nu an blaun (FPÖ) Gmoarod gebm. Der is owa ba de voaletztn Woin wieda außibissn woan.
[dro wärkln] Vakea
De Zöla-Bon bleibt a etla moi steh' in Frongafös: Bohnhof Schwoaznbo', Bohnhof Frongafös, Hoitstö Boding, Bohnhof Lambomü', Hoitstö Unterbuachbeag. Friaraszeitn hots a nu de Valodareistö Weißnbuag gem. Fia de Autafora geht de LB39 (Pielachtoistroßn) vabei. Ausadem geht a nu a hoiwix rewetialichi Strosn üwa Schwoaznbo' und d'Gschoad-He noch Tianitz umi und a ondare üwan Weißnbo' und Plongastoa weita umi noch Texing.
[dro wärkln] Partnagmoa
Frongafös is Partnagmoa va Hoistod in Untafrankn.
[dro wärkln] sche is
- de Nixhöhn
- de Buag Weißnbuag
- des Bergbaunmuseum Hausschtoa
- de Zöla-bon
- da Hoanschlittnclub frongafös
- des Freibod
- da Natualehrpfod
- Radlstreckn
- des Steinschalerdörfl
- a gonza Schüwi Wiatsheisa
- a etla Vareine
[dro wärkln] Vaonschtoitungan
- im Suma gibts fü festln: Feiaweafest, Weissnbachler Feiaweafest, Schpoatlafest, Oktobafest, Frülingsfest, Sumanochtsfest,...
- im Winta gibts etla beula: Frongafösa Beu, Jagabeu, Simandlbeu,...
- de zwoa Musikkapön TMV Frongafös("de fongruawan") und MV Ötschalond("de niadaran") geman 2 moi im Joa a Konzert
- de Buaggespräche auf da Buag Weißnbuag
[dro wärkln] Sproch
in Frongafös wiad a Mostviatlarische Gottung vam Bairischn gredt. Weu ma do a bisl weida weg va da Stodt san, hom si ba uns nu eha gwisse Weata dahoitn wia weita aussizua. Ois Pielachtola ko ma teuweis van Dialekt dakenna (oda ehata darodn) obs oana va draussdabei (Owagrofadoaf oda Hofstetn) oda va Frongafös is. Da Autor va den Atikl is in Frongafös aufgwoxn und is a nu zeitweis doat dahoam.
