Gnack
Aus Wikipedia
Untam Gnack vaschtäht ma bei am Menschn oda am Viech des Breckl Hois zwischen Hoar und Buggl/Schuitan.
As Gnack is quasi de Vabindung vom Köapa zum Belle, de in de meistn Fäii, duach des daß de Muskln und Sehna de do drin laffa in na bestimmtn Weis o'gordnet san, (es is a á weng dünna wia da Kopf und de Schuitan) bsondas beweglich is. Des Lebewesn des a Gnack hodt, ko meistns damit an Kopf auf und ob und rechts und links drahn. daduach hots an grässan Blickwinkl, ko se bessa umschaung und sei Umgebung bobachtn.
Da des Gnack oft dünna is wia da Rest vom Köapa und zum stützn de Wirblsäiln drin trotzdem ziemle beweglich sei muaß aba de ganzn Nervn de an Köapa mitm Hirn vabindn duach miassn, is des zuglaich a a recht empfindliche Stäih. Wann ma se as Gnack bricht, ko 's sei, daß de Nervnbahnen kaputt genga und 's Hirn den Köapa nimma steian ko. Dann is der Köapa ab da Bruchstäi owärts g'lähmt (Querschnittslähmung). Wei des beim Gnack natürli da ganze Restköapa is, is de a beliebte Stäii zum Umbringa vo Viecha. Zum Beischpui erleng Tiga eahna Beute a so, daß da Beute ins Gnack hupfa und's duachbeissn.
Bei manche Viecha ko ma as Gnack fast net dakenna, wia beim Fiisch. Drotzdem nennt ma de Stäii wo da Kopf aufheaht dann a Gnack. Bei am Menschn wo da Kopf fast ohne Üwagang in de Schuitan vaschwindt hoasst ma des "ea hot a Stiergnack"
As längste Gnack hodt de Giraffn.
