Weißkira im Attagau
Aus Wikipedia
 |
Der Artikl is im Dialekt „Owaöstareichisch“ gschriem worn. | |
Weißkira im Attagau is a Gmeind im Bezirk Vöcklabruck in Obaöstarreich (teiweis siagt ma schiaga as Såizbuagalånd ume), mid üwan Dam gråd amoi 980 Eiwohna.
Inhaltsverzeichnis |
[dro wärkln] Geographie
Weißkira is de am hechstn glengane Gmeinde vom Beziak, weis af 652 Meta Seehechn oman liegt. Wån ma olle Deafen vo da Flechn hea zomzöht, hod Weißkira 27,3 Quadrátkilometa - grosteis londwiatschoftlichè Nutzflechn und Woid natiali. Da Freidnthåla Båch teilt ned lai d'Gmeinde, sondan ah d'Leit in hearentare und drentare.
[dro wärkln] Politik
Dawei san gråd de Schwochzn (ÖVP) ån da Måcht, midn Lohninga Mathi ois Buagamoasta.
[dro wärkln] G'schicht
Schau im fruahn Mittlåita is de Hügelåndschåft schau b'siedlt woan, åft an Höihmittlåita håt ma duach Bråndrodunga de Nutzflechn markånt ausgweidegt.
Im Joar 1299 is erstmois a kloane Pfårr nåmens St. Magaretha in an Åblåssbriaf eawehnt woan. Im 15. Joarhundat wiad d'Oatsbezeichnung af "Weißenkirchen" vaendat, wås erkenna låsst, das ma de Hoizkira duach a stoanare easetzt håt. 1777 håt se de Pfårr von da Muatapfårr Saunkt Georgn åglöst. De politische Gmoa håt ma 1851, b'stehad aus de Kåtastraigmeindn Freidnthoi und Weißkira, eigfiat.
[dro wärkln] Wissnswerts
De Weißkiringa san in da Gegnd ah scherzhåft ois "Bunkelandla" bekånnt.
