Wikipedia:Bot

Diwar Wikipedia, an holloueziadur digor

Robotoù, a vez graet botoù anezho ivez, a zo programoù a ya en-dro war Wikipedia evit ober labourioù boas d'e zerc'hel e ratre. An darn vrasañ eus ar robotoù a ouzhpenn liammoù etrewiki pe etre yezhoù (liammoù war-zu ar pennadoù kevatal e yezhoù all) pe a hiziva anezho, met gallout a reont ober labourioù all e-giz cheñch rummad d'ur pennad pe tennañ pennadoù diouzh ur rummad, gwiriañ hag-eñ eo mat a liammoù diavaez, ha re all c'hoazh.

[kemmañ] Penaos kaout ar statud a robot

Gant ar statud Bot e teu ar robotoù da vezañ diwel e-barzh roll ar C'hemmoù diwezhañ. Gallout a ra ar statud-se bezañ roet gant ar stewarded goude ma vo bet aotreet ar robot gant ar gumuniezh lec'hel.

Evit kaout ar statud a vBot e rankoc'h menegiñ peseurt labour a fell deoc'h seveniñ war ar wiki-mañ, hag evit ar robotoù etrewiki menegiñ hag-eñ e rit gant ar skript pywikipediabot hag hag-eñ ec'h hivizait anezhañ ingal gant CVS. Evit ar botoù all e vo ret deoc'h displegañ petra a reont hag ober 20 arnod kemmañ da reiñ ur skouer eus se.

An asant evit ar statud a vot ho po goude ur sizhunvezh ma teuit a-benn da gaout 75% a vouezhioù a-du da vihanañ, pe ma n'eus bet mouezh enep ebet. A-hend-all e vo d'ur merour da zivizout petra eo disoc'h ar votadeg. Ur wezh aotreet gant ar wiki lec'hel e c'helloc'h goulenn ar statud a robot war lec'hienn ar metawiki.

[kemmañ] Goulennoù

[kemmañ] Implijer:Yun

Goulenn a ran ar statud a robot war ar wikipedia-mañ evit ober war-dro ar rummadoù (tennañ an holl bennadoù diouzh ar rummad Pennad e Peurunvan da skouer : meur a vil pajenn a vo d'ober war o zro), ober war-dro ar patromoù (cheñch ar pennadoù pa vez cheñchet anv ar patrom), ha traoù a seurt-se.