Emgann Camlann

Diwar Wikipedia, an holloueziadur digor

Emgann Camlann
Deiziad: etre 537 (Annales Cambriae) Lec'h: Enez Vreizh Disoc'h: disklaer
Emgannerien
Arzhur	Mordred
Pennoù-brezel
Arzhur†	Mordred†
Niver a emgannerien
Dianav	Dianav
Tud lazhet
Dianav	Dianav

Emgann Camlann a oa emgan diwezhañ Arzhur. Ennañ e voe lazhet pe gloazet en un doare marvel. Evel ma'z eo mojennel an holl zanevelloù eus an emgann n'eo ket sur e oa c'hoarvezet an emgann-se. Meneget eo en Annales Cambriae, avat, lec'h ma kaver, evit ar bloaz 537 an arroudenn-se

Gueith camlann in qua Arthur et Medraut corruerunt : Emgann Camlann a varvas Arzhur ha Mordred ennañ.

Tout an dud veneget gant an Annales Cambriae a zo istorel hag anavezet dre andonoù arall, ar pezh a zamveneg e oa un emgann Camlann hag e varvas brezelourien vrudet, Arzhur ha Mordred o anv. Diaes eo da lârout muioc'h, avat ha posupl eo zoken e stourmas Arzhur ha Mordred en hevelep tu.

[kemmañ] Lec'hiadur

Lec'hiadur an emgann a zo dianav met meur a vartezadenn a oa bet kinniget gant ar glaskourienn.

• Queen Camel e Somerset, n'eo ket pell ouzh Kreñvlec'h Badbury ma lec'h reoù'zo Kamelot, hag en eo gwirheñveloc'h e oa kêrbenn ur roue Dumnonia bennak.
• Birdoswald e-kichen Moger Hadrian
• Castlesteade-kichen Moger Hadrian
• War ribl ar C'hamel e Kernev-Veur
• War ribl ar stêr Camlann en Eifionydd e Kembre

[kemmañ] Dirolladur an emgann

Hervez ar vojenn e krogas pa dennas e gleze er-maez da lazhañ un naer. Un dorridigezh eus an arsav e oa hag an daou lu a argasas an eil egile. E-pad an emgann e lazhas Arzhur Mordred met gantañ e voe gloazet en un doare marvel.

Hervez an hengoun kembreat e voe abeg an emgann un tabut etre gwreg Arzhur, Gwenever hag he c'hoar Gwenhwyfach. Hervez Hector Boece, avat, e vefe tec'het Gwenever gant Mordred ha d'he c'hastizañ en-defe brezelet Arzhur outañ. Hervez an hengoun-se e vefe bet trec'h Arzhur.

Emgannoù Arzhur
Glein| Dubglas | Bassas| Coit Celidon
Castell Guinnion | Urbs Legionis
Tribruit |Agned |Breguoin |Badon
Camlann