NetBIOS
Diwar Wikipedia, an holloueziadur digor
Ur c'homenad kehentiñ eo NetBIOS.
Taolenn |
[kemmañ] Istor
Ergrafet e oa bet NetBIOS (Network Basic Input/Output System) e 1985 gant IBM ha gwellekaet evit ar rouedadoù bihan hag evit ar rannañ restroù.
Berzh ar c'homenad-se a zeu ivez eus kiriegezh Microsoft en doa krouet un handelv askouezh anvet NetBEUI (Net BIOS Extended User Interface) hegerz gant holl reizhiadoù korvoiñ ar c'hevredad-se.
[kemmañ] Hollidigezhioù
Kontrol da gomenadoù all evel TCP/IP ne c'hell NetBIOS en em geñveriañ ouzh ar patrom OSI. Aes-tre eo lakaat anezhañ da dalvezout war ur rouedad hogen n'eo ket routaüs (ne vije ket lank ober gantañ evit un etre-rouedad). Arverañ a ra anvioù NetBIOS da hennadiñ ar staelioù war ar rouedad hep ardeiñ ennegoù meziantel. Ne vez graet neuze gantañ nemet un diarunusted anvioù war-zu ennegoù MAC. Ouzhpenn e vez ardoet alies an diarunusted-se gant ar stael e-unan a gas war ar rouedad ur skignerezh.
[kemmañ] An anvioù NetBIOS
Pep stael eus ur rouedad NetBIOS a zo dezhañ un anv dibar. Divizet e vez e anv gant an arveriad ha ne c'hell bezañ hiroc'h eget un anv 15 nod. Galloud a ra an anvioù NetBIOS kaout enne an holl nodoù lizhersifrennel hag ouzhpenn an nodoù evel-henn :
! @ # $ % ^ & ( ) - _ ' { } ~
N'eo ket gallus d'ober gant nodoù rumm evel ar steredennig (*) hag ar poent-goulenn (?) eleze ar re e arverer anezhe evel nodoù genadel.
Disaliet eo ober gant an esaou e-barzh an anvioù NetBIOS petra bennak ma vije arloadoù gouest d'o ardeiñ.
Pep stael e vez dalc'het gantañ ur rezi (array) gant mennegoù anvioù NetBIOS/ennegoù MAC an holl ardivinkoù ar rouedad.
[kemmañ] E pelec'h kemmañ anv ur stael
Pep reizhiad korvoiñ a ro al lank da zeverkañ un anv d'ar stael. Da skouer gant Microsoft XP e c'heller ober evel-henn :
War an arlun "Stael labour", klikit war afell dehoù al logodenn. Diuzit "perzhioù" e-traoñ ar roll. Klikit da c'houde war "Anv an urzhiataer". Amañ eo e c'helloc'h kemmañ pe zeverkañ avn ar stael.
[kemmañ] Arouezadurioù all NetBIOS
Ur c'homenad didres eo NetBIOS hag eo ouzhpenn nebeut liper gant loazoù an urzhiataer. Setu perrak eo c'hoazh arveret kenañ (kenderc'hadoù Microsoft, IBM, Novell).
En em ziorret o deus an APIoù (Application Programming Interface) NetBIOS war an urzhiataerioù PC (Personnal Computer) da gevaraezañ un dizalc'hted diouzh komenad al liveoù a-is.
Hegerz eo NetBIOS e genidik bolc'hennet e-barzh iriennoù LLC (802.2), pe volc'hennet e-barzh IPX pe TCP/IP. E-mod-se e c'hell an iriennoù NetBIOS bezañ dezouget gant ar c'homenadoù TCP/IP, IPX/SPX ha NetBEUI.
