Odyseüs

Diwar Wikipedia, an holloueziadur digor

Evit Ulises, gant James Joyce, mont da welout Ulises (romant).

Odyseüs (skrivet ivez Odiseus) pe Ulises a zo unan eus harozed an Iliada, ha haroz an Odyseia, an daou veurgan savet gant ar barzh Homeros, en Hen Hellaz.

Roue Itaka e oa, pried Penelope, ha tad Telemakos. E dad a oa Laertes hag e vamm Antiklea. Er pezh c'hoari Iphigenia en Aulis gant Euripides, eo Sisyphus a zo kontet da vout tad dezhañ.

Aet e oa, hervez an Iliada, da vrezeliñ da d-Troia. Echu ar brezel, setu eñ o klask distreiñ d'e enez, nemet kantren a raio e-pad dek vloaz a-hed aodoù ar Mor Kreizdouarel tra ma vo e wreg er gêr ouzh e c'hortoz.

[kemmañ] E anv

Ulises a zo e anv latin (Ulixes ervat) , Ὀδυσσεύς pe Odyseüs e oa e anv e gregach). Kavout a reer ivez ar stummoù Olysseus (Ὀλυσσεύς), Oulixeus (Οὐλιξεύς), Oulixes (Οὐλίξης).

Hervez Homeros e talvez an anv kement ha "mab a boan". Kentoc'h e teufe eus οδηγός: odēgós, "an ambrouger, an diskouezer-hent". Talvezout a ra ivez "poan", pe kentoc'h "an hini a ra poan hag en deus poan". Ha poan en devez alies, poan-spered da vihanañ.

Talvezout a ra war un dro "an hini en deus kasoni" hag "an hini a zo kasoni outañ". Kasoni en deus ouzh an doueed, ha kasoni o deus-int outañ. Dont a ra e anv diwar ar verb "οδυσσάομαι-οδυσσωμαι", a dalv war un dro 'kasaat" ha "bezañ kasaet".

Odyseüs ereet ouzh gwern e lestr evit chom hep klevout kan ar Morwragez, Mirdi Broadel Hendraouriezh Atena

Penn Odyseüs en un hollad ma weler Odusseus o tallañ Polyphemus, kizelladur marmor hellazat eus an II-vet kanved kent JK, kavet e kenkiz Tiberius e Sperlonga