Dìng Gīng-ê̤ṳng

Lài-nguòng: Wikipedia

Dìng Gīng-ê̤ṳng (陳景潤, 1933n 5ng 22h - 1996n 3ng 19h), Hók-ciŭ-nè̤ng, Dṳ̆ng-guók chók-miàng gì Só-hŏk-gă.

[Siŭ-gāi] Sĕng-bìng

Ĭ diŏh Â-muòng Dâi-hŏk Só-hŏk-hiê bék-ngiĕk hâiu, báik-cèng có̤ guó Dṳ̆ng-hŏk só-hŏk sĭng-săng, mò̤ nuâi òng diêu diōng Â-muòng Dâi-hŏk có̤ cṳ̆-lâiu-uòng, ngiēng-géu só-lâung (number theory). 1956 nièng diêu diē Dṳ̆ng-guók Kuŏ-hŏk-iêng Só-hŏk Ngiēng-géu-sū; 1980 nièng ké̤ṳk sōng-gṳ̄ có̤ Dṳ̆ng-kuŏ-iêng Ŭk-lī-hŏk gâ̤eng Só-hŏk-buô gì ūi-uòng.

Gé̤ṳ-siók, Dìng Gīng-ê̤ṳng siŏh-sié sāng-kiêng, sêng-cé dŭ ng sā̤-ngāi ng sā̤-tŏng.

[Siŭ-gāi] Ngiēng-géu

Dĭng Gīng-ê̤ṳng gì ngiēng-géu gĕ̤ng-cáuk ciō-iéu cĭk-dṳ̆ng diŏh sĕ̤ng-săng só-só chăi-siōng (twin prime conjecture), Uă-līng ông-dà̤ (Waring's problem), Gŏ̤-dáik-bă-háik chăi-siōng (Goldbach's conjecture) gâe̤ng Lé-gĕng-dáik chăi-siōng (Legendre's conjecture), īng-dô̤ hŭng-sék só-lâung (analytic number theory) gì céng-buô. Ĭ găk 1966 nièng huák-biēu siŏh piĕng lâung-ùng, céng-mìng lāu Dìng-sê dêng-lī (Chen's theorem): êng-hò̤ gáu duâi (sufficiently large) gì ngēu-só dŭ â̤ buŏng siàng 2 bĭk só-só, hĕ̤k-ciā sê 1 bĭk cék-só gâe̤ng 1 bĭk buáng-só-só (2 bĭk só-só gì cék) gì huò. Bī-lâung-gōng, 100 = 23 + 7 · 11.

[Siŭ-gāi] Chăng-kō̤

• Gŏ̤-dáik-bă-háik chăi-siōng
• Dìng-sê dêng-lī