Юркин Иван Николаевич
Wikipediaри материал
Юркин Иван Николаевич 1863 çулхи пуш уйăхĕн 4-мĕшĕнче Тутарстанри Пăва районне кĕрекен Пӳркел салинче çуралнă. Çыравçă Чĕмпĕр хулинче 1943 çулхи авăн уйăхĕн 11-мĕшĕнче вилнĕ.
[тӳрлет] Пурнăçĕ
Пуçламăш шкул хыççăн пĕр вăхăт Чĕмпĕрти чăваш шкулĕнче вĕреннĕ. 1882 çултан пуçласа нумай çул хушши çыруçăра тата укçа-тенкĕпе шут ĕçĕнче тăнă. Пурнăçăн юлашки çулĕсенче литература ĕçĕсемпе пурăннă.
[тӳрлет] Ĕçĕсем
Хăйĕн "Асамат кĕперĕ" калавне 1886 çулта çырнă. "Шӳтсем", "Халапсем", "Ваттисен сăмахĕсем", "Юмахсем". 1889-1890 çулсенче "Этем пырĕ тутă та куçĕ выçă" тата "Мул" повеçсем çырнă, анчах ун чухне вĕсене пичетлесе кăларма май килмен. 1920-1930 çулсенче вăл "Ульки", "Машина Иванĕ", "Кахал" повеçсем, "Кӳпен", "Пархатархăрсем" калавсем, "Тамăкри юрăсен историйĕ", "Авалхипе хальхи пурнăç" асаилӳсем çырнă. 1986 çулта И. Юркин ĕçĕсене пухса "Повеçсем, прозăлла сăвăсем, тĕрленчĕксем, асаилӳсем" ятлă кĕнеке кăларнă.
