Ben Nevis
Oddi wrth Wicipedia, y gwyddoniadur rhydd.
| Ben Nevis Ben Nevis |
|
|---|---|
 |
|
| Llun | Llwybr Allt a Mhuillin gyda Ben Nevis ar y dde |
| Uchder | 1,344m |
| Gwlad | Yr Alban |
Ben Nevis (Gaeleg Beinn Nibheis: 1344m) yw'r mynydd uchaf yn yr Alban (gweler Munro) ac ynys Prydain. Mae yn ardal Lochaber ger Fort William yn Ucheldiroedd yr Alban.
Ystyr yr enw Gaeleg yw naill ai "Mynydd Cuchog" neu "Mynydd y Cymylau", "Mynydd y Nefoedd", gan ei fod mor uchel. Mae'n un o wyth copa yn yr Alban sydd dros 4,000'. Mae crib yn cysylltu Ben Nevis â'i gymydog Carn Mòr Dearg.
Mae "y Ben" yn boblogaidd iawn gan ymwelwyr (mae tua 100,000 yn cerdded i'r copa bob blwyddyn) ac mae hyn wedi creu problemau amgylcheddol wrth i lwybrau gael eu herydu a phobl gadael sbwriel ar eu holau.
Y llwybr hawsaf yw "Llwybr y Twristiaid", sy'n hir ond hawdd i gerddwyr. Ond ceir sawl llwybr mwy anturus ac mae clogwyni'r gogledd yn enwog am eu dringfeydd caled, yn arbennig yn y gaeaf a'r gwanwyn cynnar pan fo'r rhew yn galed.
Am fap yn dangos lleoliad Ben Nevis, gweler Rhestr Mynyddoedd yr Alban dros 3,000' (y Munros) (Adran 4).
