Daka Pire u Lüya Dizde
Wikipediya ra, ensiklopediya xosere
Beno nêbeno. Waxte waxta de, jü pire bena, jü lüye bena. Jü ki bize de pire bena. Daka pire her roc biza xo dosena. Sitê xo ana girênena, amên kena, kena binê jü lêy, Ebe tenê kinca pêsena têra. Daka pire rocê êna qayt kena ke sit çino. Roca bine êna qayt kena ke sit hawo ancia çino. Daka pire bena xêge. Vana:No nia nêbeno. Kamo sitê mi tireno? Ez gereke bizani.
Rocê Daka pire sitê xo ana, rêyna pêsena têra, Kena binê lêy. Dariya xo cêna xo dest, xo pê çêver de dana we. Qayt kena ke çêver bi ya(ra), Lüye bêveng amê kewte zerê qulinde, siye lê kerd berz u dormê xo de qayt kerd ke kes çino, zaf kêf kerd, Esqa ra nêzana ke se bikero.
