Fahri Pamukçu

Wikipediya ra, ensiklopediya xosere

Fahri Pamukçu, dew da Buderani (Çermug, Diyarbekır) dı reujê 2.4.1947 dı ame dınya. Ma ya cı Zılfê ya, piyê cı Kemal o.

1 Hêyatê Fahri Pamukucu
2 Wendexaneyê kı Fahri Pamukucu wendo
3 Eserê Fahri Pamukucuê kı neşır biyê
4 Xeyatê gürwey

[bıvurne] Hêyatê Fahri Pamukucu

Wendegewo werın dew da Alosi dı qedina. Serr da 1964 dı "Dicle İlköğretmen Okulu" qedina u bı muskar (mualım). Çıhar serri muskareya wendege dê verni kerd. Serr da 1968 kewt "Gazi Eğitim Enstitüsü İngilizce Bölümü", ew 1971 dı no Enstitu ra mezun bı. Çıhar serri "Ağrı Kız İlköğretim Okulu" u "Kepirtepe Öğretmen Lisesi" dı muskareya İngilizki kerd. Dıma, serr da 1975 dı zew intıham ra ravêrd u taynê cı deya "Diyarbekır Eğitim Enstitüsü İngilizce Bölümü". No miyabên dı, serran dê 1978-1979 dı Bursa Qonseya Ewropa gurot u şı Britanya Gırde, wuza dı, "Universiteya Leeds dı Lengwıstık u Metodoloji" ser "Postgradute" vırast. Ayna o wext, serr da 1979 dı kıtabı cı yo İngilizki ra Tırki ser tadaye "Azgelişmişlik İçinde Geri Bıraktırılmışlık" (Under-Under Developmnet, Majeed Jafar), maxlas dê Ali Yıldız iya "Yöntem Yayınları" dı veziya.

Britanya Gırde ra peyser ameyen dı, muskareya xwo "Yüksek Öğretmen Okulu İngilizce Bölümü" dı po berd; heta kı Gucug da 1982 dı Hukumatê 12 Êluli cı wecife ra est.

Nay sera, nuştoxi terk kerd, ew hirı serri dudu şirketan dê ecnebiyan dı xebıtya. Serr da 1984 dı mesıla da siyasi ser kewt hepıs. Dudu serri hepıs dı mend. Hepıs ra vıziyayen dı keyeyê xwo wederna İzmit. Na suk dı, zew mekteb do xususi dı, des serri ra vêşi muskarin u qordinatoriya umumin kerd. Serrda 1995 dı "Anadolu Üniversitesi-İngiliz Dili Bölümü" ra diploma gurot.

Neka, nuskar hala na suk dı ronıiyaye wo, ew cehdê xwo vêşi da wo xebat da zuwani-zuwan dê Zazaki ser

[bıvurne] Wendexaneyê kı Fahri Pamukucu wendo

Dicle İlköğretmen Okulu
Gazi Eğitim Enstitüsü, İngilizce Bölümü
Postgradute, University of Leeds
Anadolu Üniversitesi, İngiliz Dili Bölümü

[bıvurne] Eserê Fahri Pamukucuê kı neşır biyê

"Gıramerê Zazaki," Tij Yayınları, 2002 ISBN 975-8277 09-X
Çarnoğê "Azgelişmişlik İçinde Geri Bıraktırılmışlık," Yöntem Yayınları, 1979
Çarnoxê "Son İmparatorluk* Gendaş Kültür, Şubat 2005, (The Last Empire, Gore Vidal)