Qurane
Wikipediya ra, ensiklopediya xosere
Qur'ane (Erebki: قرآن ) Hz Mıhemmed ri amey u kitabi İslam (Mislimanan) o. Mıslum ını kıtapra itiqat keno. Zuane ını Qurane, zuane Erebkio. Xora Mıslum, zuane erebun malla ven duno, nımaj keno, ayet qalkeno.
Qur’an nê her di kitaban u dinan heq veynenu. Welakin Qur’an, hukmi nê kitaban darenu wi u heti din u itiqadi ya prensiban u şertani newan anu. Goreyê muslimanan Tewrat u İncil amey tehrif kerdiş (bediliyêyi), ewro heqiqi Tewrat u İncil orte de çiniy. Qur’an, kitabo heqo peyen u, ey ra dim sewbina kitabo heq (semawi) niamo u hini ninu zi. İslam zi dino mukemelo peyen u. Goreyê hirê heme kitaban zi Homayi (Rebbi) erd u asmiyen (kainat) şeş roji u şeş şewi de virêşti. Xeleqnayişi Hz Adem u Hz Hewa u cenet ra vetişi ninan, tufani Nûhi, hirê heme Din u kitaban de zi hema hema eyni şekil de vacênu. Uca ra pey tarixa ortax bi Hz İbrahimi dest pêkena.
Qur'an de zi Hz Mıhemmed mucizan mucnenu ra. Qur'an de tarix, ra behs benu, herbi ke o wext biy tede ca gini. Biye ninan şerti İslami, ê imani, ferz u wacibi, prensibi komelki (cematki) u idari u çi winayeni esti. Ninan ra wet merdim eşkenu wacû ke hem İncil de hem Qur'an de % 80 çi ko Tewrat de viyerenu tekrar benu. Heti efsanan, hikayan, tarixan , mintiqan, miletan, bacar u medeniyetan a nê kitabi hema hema sey yewbinan ê, yewbinan temam keni.
[bıvurne] Zerrê Quranera
Sura Fatiya (sura 1/5.) “Rakerdis”
1. Ebe namê Heqê rahmani u rahimi ra. 2. Hemd Rabê alemi Heqi rêo. 3. O rahmano, rahimo. 4. O wairê roca dinio. 5. Teyna to rê mınete kenime u teyna to ra yardım wazenime. 6. Ma era raa raşte fiye. 7. İyê ke to namet do cý, iyê ke ðezev nêeştiyo ser, iyê ke nêkotê tari u sasbiyais, raa dinan ra.
Sura Fatia (sura 1/5.) ´Rakerdoğe´
1. Eve namê Heqê Ramane u Raimi. 2. Hemd, Ravê alemi Heqi rêo. 3. O Ramaneo, Raimo. 4. O wairê, sultanê roza dinio. 5. Teyna to rê ivadet kenime u teyna to ra yardım wazenime. 6. Ma era raa raşte fiye. 7. Raa cırê nimet daoğu, ğezev sernêrışiyaoğu, tari u sasnêkotu. Tırki ra çarnoğ: Mirzali Zazaoğlu
Sura Fatiya (sura 1/5.) ´Rakerdis´
1. Namê Heqê Ramani u Rahimi ra. 2. Hemd, Heqê alemu Allay rêo. 3. O Rahimo, Ramaniyo. 4. O wayirê, sultanê roza dinio. 5. Teyna torê mınete kenime u teyna tora yardım wazenime. 6. Ma era raa raşte fiye. 7. İyê ke to namet do cı, iyê ke ğezev nêeştiyo ser, iyê ke nêkotê tari u sasbiyais, raa dinu ra. Tırki ra çarnoğ: Ujbend
