Dialët piasintëin
From Wikipedia
 |
Artìcol in dialët piasintëin |  |
|---|---|---|
Al piasintëin l'é un dialët d' la lëingua emiliana dal grüp linguistic "gallo-italico" e 'l sa pärla in d' la pruvincia d' Piasëinsa. L'é un dialët imbastardì parché l'é stä cuntaminä a bota da la lëingua lumbärda (specialmëint in dil parol e in di "mod ad dì"), ma anca da la lëingua piemuntesa e un po da cula ligüra. In sert rob al sa sméia paric' al dialët lumbärd ucidentäl (ch' i ciaman anca insübar).
L'é nasì dal latëin vulgär mis'ciä sö cun la lëingua celtica ca prima i parlävan i Galli (Gal) ch' i stävan in dal Nord Italia. Tant cmé i ätar dialët "gallo-italici", l'ha sintì divers inflüëinsi, cmé cula lungubärda. In di ültim sécul l'ha ciapä sö e mudificä parol dal frances e dal tuscan.
