Dialatt bulgnais
From Wikipedia
 |
Artéccol in dialètt bulgnais |  |
|---|---|---|
Al bulgnais l è un dialatt d'la langua emiglièna-rumagnôla ch'la fà pèrt dal gròpp ed maténna ed såura dî dialétt emigliàn.
L è bacajè int'la pruvénzia ed Bulåggna (fòra ch'int äl sètt cmónni atais a Iommla) e int'äl cmónni ed Castel int'la pruvénzia ed Môdna, a Sanbûga int'la pruvénzia ed Pistòja e a Zänt int'la pruvénzia ed Frèra.
Al bulgnais cunprand zénnc såttvariant prinzipèl chî differessen par la parnónzia e pr al parôl. Quassti én:
Al dialatt zitadén -bacajè a Bulåggna e int'î dintûren (fén al Sâs ed såura, a Granarôl ed såtta. I dialétt muntanèr mêdi (bacajè int'äl prémmi culénni e a 'na distanzia stra i vént e i quaranta chilòmeter da Bulåggna, par esänpi Varghè, Grizèna. I dialétt muntanèr èlt (bacajè int'äl cmónni atais al cunfén cun la Tuschèna, par esänpi Castión, Puratta. I dialett campagnû ed maténna (bacajè int'la bâsa dal basén dî afluént dal Raggn ed maténna ed Bulåggna (Bùdri, Midgénna, Mulinèla). I dialett campagnû ed sîra (bacajè int'la bâsa int' i dintûren ed San Zvân, da Bazàn a Crevalcôr.
