Airbus A319
Wikipedia(e)tik
 |
|
| Mota | komertziala |
| Bidaiariak | 124 |
| Eraikitzailea | Airbus |
| Lehenengo hegaldia | 1995-08-25 |
| Zerbitzu hasiera | 1996ko apirilean |
| Egoera | zerbitzuan |
| Erabiltzaile nagusiak | EasyJet Northwest Airlines |
| Unitate eraikiak | 854 |
Airbus A319a Airbusek diseinatutako bidaiarientzako hegazkina da. Airbus A320tik eratorria, honek baino zazpi zuaker gutxiago ditu (3,73 m gutxiago) baina erregai-kapazitate berdina mantenduz, 7200 km-ko autonomia lortzen duelarik. Alderdi gehienetan A320aren berdina da, honengandik kanpo itxuran hegal gaineko irteera bakar bat izatean bereizten da, motzagoa izateaz gain. Bi sailetan 124 bidaiarirentzako tokia dauka, sail bakar batean 142ra igo daitekeena.
A319 programa 1993an hasi zen, ILFC leasing konpainiak 1992an sei unitateentzako eskaera egin ostean. Ordutik hainbat aire konpainiek erosi dute hegazkin hau, eta 2006ko maiatzean guztizko eskaerak 1257 ziren, horietatik 854 unitate jadanik eraikiak izan zirelarik. Airbus A321a bezala, muntatze-lantokia Hanburgen kokatuta dago, Alemanian, beste Airbus produktuena Tolosa Okzitaniakoan kokatzen direlarik.
EasyJetek 2002an 120 unitateko eskaera egin zuen. EasyJeten hegazkinek ez daukate sukalderik eta 156 bidairirentzat prestatuak daude, horretarako hegal bakoitzaren gainean beste irteera bat jarri behar izan zaielarik.
Eduki-taula |
[aldatu] A319CJ
A319aren bertsio exekutiboa, sotoan kokatutako sei erregai-depositu gehiago ditu, 11650 km-ko autonomia lortzen duelarik. 1997an hasia, hainbat unitate saldu dira, bai banakakoentzat eta konpainientzat, bai hainbat herrialdeen gobernuentzat, hala nola Frantzia eta Italia. Barne-egitura erosle bakoitzak aukeratzen du, ohiko kapazitatea 10-39 bidaiari artean dagoelarik.
[aldatu] A319LR
A319ak baino lau erregai-depositu gehiago dauzka sotoan, 8300 km-ko ohiko autonomia lortuz. Antolaketa guztiz exekutiboa dauka, 48 bidaiarirentzako kapazitatearekin, hala ere Qatar Airways konpainiak 110 bidaiarirentzako egitura estandarra dauka.
[aldatu] Ikus, gainera
- Airbus A318
- Airbus A320
- Airbus A321
[aldatu] Kanpo loturak
Airbus A319ari buruzko informazioa Airbusen webgune ofizialean- Airbus A319ari buruzko informazioa Airliners.net-en
| Airbusen hegazkinak | ||
|---|---|---|
|
Zerbitzuan : A300 • Beluga • A310 • A318 • A319 • A320 • A321 • A330 • A340 |
||
