Azken Portu
Wikipedia(e)tik
Azken Portu Zarauzko auzo handienetakoa da; tamaina eta baita biztanleria aldetik ere.
Sasoi batean nekazarien auzoa zena, 60ko hamarkadaz geroztik nekazari, langile eta etorkinen auzoa bihurtu zen, eta bertan eraiki zituzten langile-etxeetara bizitzera aldatutako herritarrek zein kanpotarrek errotik aldatu zuten auzoaren izaera.
Auzoko eraikin zaharrena Santa Klara komentua da.
[aldatu] Jaiak
Abuztuaren 12an ospatzen da Santa Klara eguna, eta egun horren inguruan antolatzen dira jaiak, abuztuaren 10ean, 11n eta 12an.
Santa Klara, Azken Portu eta Aritzbataldeko jai batzordeak edota komisiyuak antolatzen ditu jaiak.
2006az geroztik, gainera, abuztuko festak antolatzeaz gain, hilero ekitaldi bat antolatzea erabaki du jai batzordeak.
[aldatu] Artea, kalean
Duela zenbait urtetik hona, Azken Portuko jai batzordea osatzen duten auzotarrek, abuztuko jaiak antolatzeaz gain, beste zenbait ekimen ere egiten dituzte. Nabarmenena, Azken Portuko hormak auzoari buruzko horma-irudiekin margotzea da, zenbait artistaren laguntzarekin. Honela, dagoeneko hainbat horma-irudi ikus daitezke auzoan, bertako kontuekin eta jendearekin lotutako marrazkiekin osatuta. Ekimen honekin, Azken Portu “arteari eta kolore guztiei zabaldutako auzoa” dela nabarmendu nahi dute bertakoek.
