Oxymoron

Wikipedia(e)tik

Oxymoron streetpunk edo Oi! musika estiloa jorratzen duen talde alemaniarra da.

[aldatu] Historia

Taldeak Oxymoron izena 1992. urtean hartu zuen, nahiz eta taldearen jaiotza 1989aren amaieran izan.

Sucker eta bere lehengusu Bjöern bateria-joleak sortu zuten taldea, Martin gitarrista eta Filzlaus baxujolearekin batera. Hauek izan ziren hasieran taldearen partaideak, bi urte geroago Oxymoron izenarekin hasi zirelarik.

Soto batean elkartzen ziren jotzeko, zeini "Oxyfactory" deitzen zioten. Bertan "Beware, poisonous!" lehen EP-a grabatu zuten 1993ko udan, beraien eskutik produzitu eta argitaratu zutena ("Oxyfactory Records" behin-behineko zigilupean, hau izanik argitaratutako lan bakarra). Single hau 1994ko hasieran berrargitaratu zen Helen Of Oi! Records-eko Bob Burridge-n eskutik, zeinek disko bat grabatzeko eskeintza luzatu zien.

"Fuck the Nineties - Here's our Noize" diskoa hiru zatitan grabatua izan zen, Filzlaus bidaian joan zelako eta ezin izan zen inorengatik ordezkatua izan. Taldeak berak ordaindu zituen grabaketa estudioko gastuak, disko honen kritikak inork espero zuena baino hobeak izanik.

Aste batzuk geroago beraien lagun Arne baxua jotzen hasi zen Filzlaus-en ordez. Horrela, atzerrian kontzertuak jotzen hasi ziren, baita Alemanian ere, Braindace taldearekin batera bi bira egin zituztelarik (une horretan hauekin split-single bat kaleratu zuten, "Mohican Melodies" izenekoa).

Oxymoron talde anitza izanik, Punk eta Kaskamotzen tribuen batasunaren irudia izan da, zeintzuk hasiera-hasieratik taldearen kontzertuetan izan diren. Modu honetan, Oi! jaialdietan gero eta sarriago parte hatzen zuten, talde garrantzitsu askorekin jo zutelarik: Cock Sparrer, Angelic Upstarts, Major Accident, Peter and the Test Tube Babies, eta abar...

1996ko udaberrian "Crisis Identity" single-a argitaratu zuten Arne eta bere emaztearen zigiluaren (Rough Beat Records) eskutik, jarraian AEBra lehen bidaia izan zutelarik. Bi aste kaotiko izan ziren Ekialdeko Kostaldean zehar Braindance eta Casualties taldeekin batera.

Honen ondoren taldea Knock Out Records-ekin harremanak izan zituzten, eta urte bat geroago bigarren diskoa "The Pack is Back" kaleratu zuten diskoetxe honekin, eta Europako hainbat herrialdeetatik bidaiatzen hasi ziren. Baina bidairik zirraragarriena 1997ko udakoa izan zen, hiru astez Japonian zehar jotzeko aukera izan baitzuten (Disckocs taldearekin).

1998a ez zen urte ona izan taldarentzat, izan ere denbora luzean prestatutako birak ezeztatu behar izan zituzten hainbat arrazoirengatik. Gainera Sucker ospitalera joan behar izan zuen denbora batez nerbio gaitz batengatik. Azkenik, Arne-k taldea utzi zuen prestatuta zegoen "Westworld" mini-diskoaren grabaketa baino aste gutxi lehenago. Zailtasun hauetan Chrissy sartu zen taldean, zein aurretik behin-behineko bigarren gitarrista izan zen eta AEBko lehen biran baxua jo zuen.

Laukoteak, berriz ere, Europako herrialde askotara bidaiatu zuten, inoiz baino kontzertu gehiago jotzen, baita AEB osoan zehar ere. Zazpi aste iraun zituen kostatik kostarako bira honek, Dropkick Murphys (hauekin beste split-single bat argitaratu zuten) eta Ducky Boys taldeekin batera, arrakasta izugarria izan zuen. Chrissy-k taldea utzi zuen azken bira honen ondoren, bere proiektuentzat denbora gehiago edukitzeko.

2000. urtearen amaieran "Best before 2000" bilduma kaleratu zen Knock Out Records-en eskutik (eta Cyclone Records-en eskutik AEBn) agortutako 7" eta material arraroen eskaera handiagatik (single guztiak eta bilduma batzuetako abestiak sartu ziren disko honetan).

Hala ere, bazen taldeak kantu berrien disko bat ateratzeko garaia, beraz, bi hilabetez hau prestatzeko lanean jardun zuten. 2001eko udan "Feed the breed" diskoa izango zena grabatu zuten AEBra berriz joan baino lehen. 6 astez kostatik kostarako "Pure Punk" bira jo zuten, Dead Empty, The Boils eta The Forgotten taldeekin. Europan zehar ere, Alemanian batez ere, ibili ziren taldekide ezberdinekin izan bazen ere. Tamalez Martin, hasierako taldekidea, semea izan zuenez taldea utzi zuen, Chrissy berriz ere denbora baterako sartu zelarik.

Taldearen basea Berlinera lekualdatu zen, non une horretan partaide guztiak bizi ziren. Bertan aurkitutako gitarristak taldea bertan behera utzi zuen "Chaos across the Nation" AEBko bira hasi behar zuenean... Davey-k bere burua eskeini zuen taldeak zuen zuloa estaltzeko, eta jarraian zetorren "Spirit of the Streets" Europar biran (Pistol Grip eta Beltones taldeekin) jo zuen, hau izanik Oxymoron taldeak egingo zuen azken bira.

2002ko uztailean taldeak etenaldi bat jakinarazi zuen.

2006ko urrirarte berri gutxi izan dira taldearen inguruan, noiz disko bat argitaratu duten "Noize Overdose" izenekoa (Bonecrusher taldearekin erdibana). Disko honek argitaratu gabeko eta zuzeneko (Hamburgo, 1999) abestiak ditu. Aldi berean Sucker-en proiektu berria iragartzen da, Bad Co. Project izenekoa eta "Sucker Stories" diskoa argitaratuz.

[aldatu] Diskografia

Beware, poisonous! Ep, 1994ko maiatza.
Fuck the Nineties - Here's our Noize!, 1995eko maiatza.
Mohican Melodies Split Ep (Braindance taldearekin erdibana), 1995eko iraila.
Crisis Identity Ep, 1996ko martxoa.
Streetpunk Worldwide Ep (bilduma Discocks, Bottom Of The Barrel eta Braindance taldeekin batera), 1996ko apirila.
The Pack is Back, 1997ko apirila.
A Tribute to Cock Sparrer Split Ep (bilduma Dropkick Murphys, Shock Troops eta Disgusteens taldeekin batera), 1998ko abuztua.
Irish Stout vs. German Lager Split Ep (Dropkick Murphys taldearekin erdibana), 1998 azaroa.
Westworld, 1999ko martxoa.
Worldwide Tribute to the Real Oi! (hainbat talderen arteko bilduma), 2000ko abuztua.
Best before 2000 (bilduma), 2000ko urria.
Taisho vs. Oxymoron Ep (Taisho taldearekin erdibana), 2001eko urria.
Savage Output Ep, 2001eko azaroa.
Feed the breed, 2001 azaroa.
Noize Overdose (Bonecrusher taldearekin erdibana), 2006ko urria.