Alternativis a lis trasfusions
De Vichipedie, la enciclopedie libare dute in marilenghe.
Alternativis a lis trasfusions.
Un dai mutîfs par cui si fasin lis trasfusions al è chel di ripristinâ i valôrs di emoglobine intal sanc.
L'emoglobine a traspuarte l'ossigjen necessari a la vite des celulis e partant de personis.
Cuant che lis pierditis non son spropositadis, dispès al baste ripristinâ il volum dal sanc. Chest a si po fâ cun diviers licuits no a fonde di sanc dai cuai il plui sempliç a je une soluzion salade. Il stes cuarp po dopo, in cheste situazion, al proviodarà cun altris argagns a ripristinâ l'apuart di ossigjen.
Cuant che invezit a 'ndi è bisugne di vê plui globui ros, a esistin tecnichis par faju produsi di plui al cuarp. A vegnin soministrâts par in framieç al muscul o par in framieç a lis venis, preparâts a fonde di fier. Al ven doprât ancje un prodot sintetic par stimolâ la medole a produsi globui ros (Eritropoietina da DNA combinante).
Un altri metodi, simpri plui doprât, al è chel di doprà tecnichis avanzadis par ridusi al minim lis pierditis di sanc intai intervents chirurgjics. A 'ndi esistin tancj che a son doprâts in particolâr su Testemonis di Jeova e altris che no vuelin vê sanc, e tancj altris ancjemò a vignaran scuvierts man a man che miedis e malâts pinsirôs a ciraran altris mûts par svuincâ lis trasfusions.
Al dî di vuê a son stâts fats grues intervents cence bisugne di sanc in ogni cjamp de midisine, come completis sostituzions di onzuris, traplants di rognons e parfin traplants di cûr.
Note
