Calendari
De Vichipedie, la enciclopedie libare dute in marilenghe.
Il calendari al è un mût di dividi il timp dant dai nons a dai periodis di timp, par solit ai dîs. I nons a son lis datis dal calendari.
La grant part dai calendaris e je nassude su di une fonde astronimiche, o vin:
- Calendaris solârs: che a tegnin cont dal periodi che la Tiere e stâ par zirâ atôr dal soreli (un 365 dîs), par esempli il vieli calendari egjizian.
- Calendaris lunârs: che a tegnin cont dai ciclis lunârs (354 dîs dividûts in 12 mês), par esempli il calendari musulman.
- Calendaris lunârs solârs: cuntune durade compagne dal calendari solâr ma che a tegnin cont istès des fasis lunârs, par esempli il calendari ebraic.
Leâts al calendari, oltri che ae date, a son il concet di dì, di setemane, di mês e di an.
