Formadi frant
De Vichipedie, la enciclopedie libare dute in marilenghe.
Il formadi frant al è un formadi preparât cun une lavorazion speciâl, recuperant lis piecis di formadi jessudis mâl.
In Cjargne, soredut intal Cjanâl di Guart e intal Cjanâl di Peteç, la tradizion dal formadi frant e à ancjemò la sô impuartance e vuê, cu la istituzion de protezion dal prodot, si cîr di falu cognossi ancje fûr dal Friûl.
La tradizion de lavorazion dal formadi frant e nâs dal scugnî di no podê straçâ la robe, che soredut in Cjargne, dut chel che al jere la fadie dal om, al à un grant valôr. Par chest motîf, i fedârs a àn metût a pont la lavorazion dal formadi frant, indulà lis piecis dal formadi, sedi vecjo che il gnûf, a vegnin masanadis o ancje fatis a tocuts piçui, impastâts cu la pane e il pevar e metûts in brentiei di len.
Il len al da un bon savôr al impast dal formadi, che si pues ancje sintilu miôr cuant che il formadi al ven stagjonât.
