Glemone
De Vichipedie, la enciclopedie libare dute in marilenghe.
| Glemone | |
 |
|
| Non ufiziâl par talian | Gemona del Friuli |
| Provincie | Udin |
| Part | Friûl di Mieç |
| Altitudin | 272 m s.n.m |
| Superficie | 56 km² |
| Popolazion | 11.040 ab. |
| Densitât | 197 ab/km² |
| Frazions | Campagnole, Cjamp Lessi, Gôt, Maniae, Marçârs, Ospedâl, Plovie, Stalis, Taboghe |
| Comuns confinants | Dartigne, Bordan, Buie, Lusèvare, Montenârs, Osôf, Trasaghis, Vençon |
| CAP | 33013 |
| Prefìs telefonic | 0432 |
| Patron | Sante Marie Assunte (13 di Juin) |
| Sît istituzionâl | |
| Cjale il Progjet comuns | |
Incurnisade di monts, boscs e culinis, Glemone e à daûr il Gjemine, il Cjampon e il Cuarnan, in tun toc di Friûl unic pes sôs bielecis di nature, di storie e di int.
A Glemone a vivin cirche 11.200 abitants int une aree totâl di 56,21 chilometris cuadrâts. Di Glemone si sint fevelà pe prime volte inte Historia Longobardorum di Pauli Diacono, come un dai paîs là che il cjiscjel, tal 611, al fo fortificât dai Longobarts cuintri i atacs dai Avars. Il paîs al è di origjin preromaniche e al à vût la sô massime floridure intor dai secui XIII e XVI, cuant che Glemone e je pasade sot la protezion di Aquilee. Tal 1976 Glemone e je deventade purtrop famose pal taramot che, ancje se al à tirât jù dut il paîs a nol à tirât jù il spirt de int che cun fuarce e coragjo a si è tirade su lis mans e e à tornât a fâ su il paîs pui biel di prime, rinovantlu di plante fûr e rispietant però i spazis urbans e i elements architetonics plui impuartants. Un restaur cussienciôs al à permetût il recupar dal domo, esempli impuartant di architeture gotiche, e dal municipi, palaç dal XVI secul. Par chescj motîfs Glemone e je deventade il simbul de rinassince dal Friûl dal dopo taramot.
