Rigulât
De Vichipedie, la enciclopedie libare dute in marilenghe.
| Rigulât | |
 |
|
| Non ufiziâl par talian | Rigolato |
| Provincie | Udin |
| Part | Cjargne |
| Altitudin | 760 m s.n.m |
| Superficie | 30 km² |
| Popolazion | 640 ab. |
| Densitât | 21 ab/km² |
| Frazions | Ludarie (loc. Ludario), Gjiviane (loc. Gjiviano) Vuezzis (loc. Uègios), , Stalis, Grac |
| Comuns confinants | Comelians, For di Avoltri, Paluce, Prât |
| CAP | 33020 |
| Prefìs telefonic | 0433 |
| Patron | |
| [ Sît istituzionâl] | |
| Cjale il Progjet comuns | |
Rigulât al è un comun inte Cjargne, che al dì di vuê al fâs part de provincie di Udin e al à 640 abitants.
Indis |
[cambie] Gjeografie
Rigulât al è logât a 760 m (cjase comunâl) tal Cjanâl di Guart, te Cjargne, sot des monts Talm (1.748 m) e Pleros (2.314 m). Il comun in plui che il cjaulûc, al cjape dentri ancje sîs frazions, tre ae diestre dal Dean:
- Ludarie (Ludario)
- Magnanins (Magnanins)
- Valpicêt (Valpicêt)
e tre a çampe dal Dean:
- Gjiviane (Gjiviano)
- Vuezis (Vuezos)
- Grac (Grac)
[cambie] Storie
Il prin document scrît dulà ch'al è fât il non di Rigulât al è dal XIII secul, ma il sô svilup impuartant al fo tal 1400-1500, cuant che si scomençè a doprâ lis minieris di fiêr, ram e aur da la Navanze, tal vicin comun di For di Avoltri, dopradis fin a la seconde vuere mondiâl. Da rest, la storie di Rigulât e và daûr di chê di dute la Cjargne: part dal Patriarcât di Aquilee, pò dal 1420 al passà sot de Republiche di Vignesie, che propite de Cjargne e cjapave gran part dal legnam che i coventave par fâ sù lis sôs nâs. Tal 1797, cul Tratât di Cjampfuarmit, Rigulât tal mût di dut il Friûl al fo cedût al Imperi Asburgic, par tornâ a la Italie tal 1866, daspò da la tiarce vuere di indipendence. Il paîs parò al subì ancjemò doi invasions: la prime, di bande dai austro-todescs tal 1917, par vie che l'esercit talian al si ere ritirât ae diestre de Plâf daspò da la rote di Cjaurêt. La seconde tal 1944, chiste volte di bande dai cosacs, clamâts in Friûl di Hitler che ur veve donât la Cjargne come teritori dulà stabilîsi. Cul mai dal 1945 finalmentri ancje a Rigulât e tornà la pâs, dut câs dai ains '60 al scomençâ un grant fenomen migratîf che al à fât lâ jù la popolazion dal paîs dai 2.443 abitants dal 1921 ai 585 di vuè.
[cambie] Culture
[cambie] Lenghe
A Rigulât, tal mût di For di Avoltri, al è fevelât un furlan une vore particulâr, clamât Riguladôt: la carateristiche dal Riguladôt e je che lis peraulis a finissin cun la "o" (par esmpli "cjase" ven a stâi cjaso, "vuere" ven a stâi vuero).
