Dantumadiel

From Wikipedy

Gemeente Dantumadiel

Provinsje	Fryslân
Boargemaster	A. Aalbers
Haadplak	Damwâld
Gebiet - wetter	87,49 km² - 1,64 km²
Ynwenners	19.762
Ferkearsieren	N356
Netnûmer	0511
Postkoades	9104-9114 9269-9271
Offisjele webstee	www.dantumadeel.nl

Dantumadiel (Dantumadeel) is in gemeente yn it noardeasten fan Fryslân, net fier súdlik fan Dokkum, mei 19.762 ynwenners (1 jannewaris 2004), en in gebiet fan 87,49 km², wêrfan 1,64 km² wetter.

Haadplak fan de gemeente is Damwâld, en de oare plakken yn de gemeente binne: Broeksterwâld, Driezum, De Falom, Feanwâlden, Rinsumageast, Readtsjerk, Sibrandahûs, Wâlterswâld en De Westerein.

[bewurkje seksje] Skiednis

Datumadiel, Donthmadeil, wie yn it ferline in grutter gebiet as no. Om 1200 hinne wie it in part fan Wininge, en doe dat om 1250 hinne opsplitte wie Dantumadiel part fan de Noardlike Njoggen. Likernôch 1350 waard lykwols it eastlik part ôfskieden, en opdield ta Eastbroeksterlân en Kollumerlân. Yn 1389 waard ek Driezum in gebiet apart, mar yn 1404 waard it wer by Dantumadiel foege.

Dokkum hat yn de 20e ieu ferskate kearen grûngebiet fan Dantumadiel derby krigen en mei de gemeentlike weryndieling fan 1984 giene de plakken Burdaard en Janum oer nei de gemeente Ferwerteradiel.

[bewurkje seksje] Haadplak

Op 10 desimber 1999 is yn Damwâld it nije gemeentehús iepene wertroch Damwâld as grutste plak ek wer it haadplak fan de gemeente is. Yn it begjin fan de gemeenteskiednis wie Rinsumageast lange tiid it wichtichste plak fan de gemeente. De grietenijbestjoerders kamen gear yn 'It Rjochthús'. Yn 1881 waard op de krúshoeke yn Moarrewâld in nij gemeentehús boud. Oant en mei 1970 is it gemeentehús hjir bleaun. Dernei is it ferhúze nei Rinsma State yn Driezum. Omreden dat Rinsma State te lyts waard en men it gemeentehús ek leaver wer op in sintraal plak hawwe woe is efter it âld gemeentehús yn Moarrewâld, no part fan Damwâld, in nei gebouw delsetten.