Fryske waadeilannen
From Wikipedy
De Fryske Waadeilannen binne de waadeilannen dy't hearre by de provinsje Fryslân. De rige fan fjouwer dêrfan, Flylân, Skylge, it Amelân en Skiermûntseach, foarmje in part fan de skieding tusken Waadsee en Noardsee. It folgjende eilân nei it westen ta is Teksel (Noard-Hollân), it folgjende nei it easten ta is Rottum (Grinslân).
It fiifde Fryske waadeilân, it Gryn, leit op it waad, besúden de westkânt fan Skylge.
De Richel, op it waad tusken Flylân en Skylge, en de Kalkman, op it waad tusken it Amelân en Skiermûntseach, binne gjin eilannen mar platen.
