Hannibal Barkas
From Wikipedy
Hannibal Barkas (Kartago, 247 f.Kr. – Libyssa, 183 f.Kr.) wie in Kartaagse generaal.
Hannibal groeide op yn legerkampen fan syn adopsje heit Hamicar Barkas. Syn heit wie generaal yn de earste Punyske oarloch en hat letter Ibeerje (Spanje en Portegal) ferovere. Troch syn heit wie Hannibal in fijân fan de Romeinen. Syn heit wie fûl tsjin de romeinen. Hy liet de lytse Hannibal dan ek swarre om noait in romein as freon te hâlden.
[bewurkje seksje] De baas
Doe't Hamicar barkas stoar (hy foel fan syn hynder), wie Hannibal al folwoeksen mar noch net âld genôch om te lieden. Derom wurde syn omke Hasdrubal regint. Hasdrubal hat it Ebro ferdrach tekene. It ferdrach ferdielde it lân yn twa stikken. Alles wat súd fan de Ebro lei wie fan Kartago en wat noard fan de Ebro lei wie fan de Romeinen. Kartago beloofde de Ebro net oer te stekken, sûnder in oarlochsferklearring nei Rome te stjoeren. Hasdrubal wurde fermoarde en Hannibal waard de nije baas.
[bewurkje seksje] De oarloch
Hannibal wie populêr by de soldaten. Hy foel al hiel snel de stêd Saguntum oan. De stêd lei súd fan de Ebro, mar wie in bûnsgenoat fan Rome. Hjirnei ferklearre Rome de oarloch oan Kartago. Hannibal woe Rome oanfallen. Hy gie mei 100.000 man en 36 oaljefanten nei Rome. Hy koe net fia de Midslânske see, Rome wie de baas op see nei in oarloch. Hy gie mie syn leger nei it noardlikste diel fan Marokko en gie sa nei Spanje. Dernei gienen se troch de Alpen om sa fia it noarden Rome binnen te fallen. Troch de Alpen gean wie tige swier. De paden leinen besiedde mei rotsblokken. Op hegere dielen befrear de grûn en der wienen faak sniestoarmen. Tûzenen manskippen en bisten gienen dea fan de honger en fan de kjeld. Neffens de Grykske histoarikus Polybius hie mar in kwart fan Hannibals leger de tocht oerlibbe.
Doe't hy yn Itaalje oankaam fersloech hy it iene nei it oare Romeinske leger. Hy stie foar de poarten fan Rome, mar syn iten rekke op. Hy moast nei súd Itaalje om iten te plonderjen. Rome ûndertusken in nei leger klear makke.
Scipio Africanus foel Kartago oan en Hannibal waard tebek roppen. Hannibal lande yn noard Afrika en marsjearre nei Scipio Africanus, dy’t nei him ta kaam. Se moeten elkoar by it plak Zama. Doe't Hannibal syn oaljefanten oanfalle liet, iepenen de Romeinske rigen harsels, sadat de oaljefanten net folle skea oanbringe koenen. Efter de haadmacht waarden se oanfallen troch licht bewapene soldaten. Dêrnei foelen de ynfantery fan de beide legers elkoar oan. De Kartagers wûnen maklik. Mar ynienen ferskynden de ruters fan de Romeinen. Dizze ruters wienen op syk nei fiedsel. Se foelen de Kartagers yn de rêch oan. As se in kertier letter kaam wienen, hienen de Kartagers wûn. Mar no rûn it oars. Nei de slach by Zama flechte Hannibal nei Syrie en Bithynie, wer hy neidat hy ûntdutsen wie himsels fan kant makke.
