Mark Foggo

From Wikipedy

Mark Foggo is in skamuzikant, berne yn Liverpool, dy't yn 1979 fia Noarwegen yn Fryslân telâne kaam, om dêr mei de band Mark Foggo's Secret Meeting koarte tiid furoare te meitsjen yn it Fryske muzykwrâldsje.

Ynhâld

1 Ingelân
2 Fryslân
3 Brabân
4 Diskografy
- 4.1 Singles
  - 4.1.1 mei Secret Meeting
  - 4.1.2 mei de Skasters
- 4.2 Albums
  - 4.2.1 mei Secret Meeting
  - 4.2.2 mei de Skasters
5 Keppeling om utens

[bewurkje seksje] Ingelân

Foggo wie al jong dwaande mei muzyk. Yn Liverpool spile hy al fan syn 14e ôf yn bandsjes. In jiermannich letter ferhuze Foggo nei Londen om dêr yn it clubsirkwy mei ferskate rhythm and blues en punkbands op te treden. Nei in akkefytsje mei de Britske jústysje siket Foggo syn heil yn it bûtelân.

[bewurkje seksje] Fryslân

Oankommen yn Fryslân, smyt Foggo it op in akkoardsje mei de Fryske jazzrock band Pavane. Se spilen it twadde diel fan harren optreden as begeliedingsband fan Foggo, ska. De gearwurking soe net sa lang duorje. Foggo rekrutearret út Pavane in tal muzikanten foar de earste besetting fan syn begeliedingsband Secret Meeting, dy't kear op kear personielswikselings hawwe sil. Opfallende nammen yn de besetting binne ûnder oaren Michiel Hoogenboezem en Freddie Cavalli. Mark Foggo's Secret Meeting hâlde it mei ska en New Wave oant 1983 ta fol. De band leveret ien album ôf en trije singles, allegear útjûn op Top Hole Records.

[bewurkje seksje] Brabân

Yn 1984 ferhuzet Foggo nei Brabân en rjochtet dêr in nije band mei de namme de Skasters op. De Skasters bliuwe trou oan de formule fan de ûnfersniene up-tempo ska. De band is tige produktyf mei albums, stabyl yn de besetting en drok beset mei tige enerzjike optredens sawol yn as bûten Nederlân: ûndertusken mear as 1.000. De Skasters binne sa útgroeid ta in monumint foar de Ska.