Marten Sikkema

From Wikipedy

Marten Sikkema (pseudonym fan G.A. Gezelle Meerburg, Utert 10 desimber 1918 — Feandaam 2 maaie 2005) wie in Frykstalige dichter, skriuwer en oersetter. Yn de Twadde Wrâldoarloch libbe hy ûnderdûkt, ûnder de namme Marten Sikkema.

Hy wie fan 1947—1952 en fan 1955—1960 redakteur fan it literêre moanneblêd De Tsjerne en fan 1958—1960 fan it Frysk kultureel moanneblêd De Strikel. Fan dit lêste blêd wie hy ek mei-oprjochter. Yn 1952 waard hy fan't bêd reage troch de Binnenlânske Feiligheidstsjinst BVD yn ferbân mei de reboelje yn Ljouwert it jier dêrfoar (Kneppelfreed).

Op 13 oktober 1961 krige Sikkema yn Boalsert de Gysbert Japicxpriis foar poëzij foar in boek, yn it Frysk en it Nederlânsk, oer syn freon de keunstskilder Meinte Walta.

[bewurkje seksje] Koarte ferhalen

Sikkema publisearre yn ferskillende tydskriften koarte ferhalen, dêr't in oantal fan bondele waard:

De slach forlern (1954)
De grize oer de grouwe (1958).

[bewurkje seksje] Dichtbondels

Stjerrerein (1946)
Swart en Wyt (1946)
Skaedbylden (1951)
Seinen (1959).

[bewurkje seksje] Oersettingen

[bewurkje seksje] Poëzij

Út it Sweedsk: Noarderljocht (1953)
Út it Noarsk: yn it tydskrift De Tsjerne (1956)
Út it Sineesk: 'De jaden fluit' (1969) (spesjaal nûmer fan it tydskrift De Strikel)
út it Ingelsk: The Ballad of Reading Gaol fan Oscar Wilde (1953)
út it Frânsk: û.o. François Villon (sân balladen), Charles d'Orléans, Charles Baudelaire en Jean Moréas
út it Dútsk: û.o. R.M. Rilke, Georg Heym, Jakob van Hoddis en in soad fan Erich Fried
út it Oekraynsk: Lesja Oekrajinka en Vasyl Symonenko
oare oersettingen yn ferskate blêden.