Peter Tuinman

From Wikipedy

Peter Koop Tuinman (Twizel, 15 april 1947) is in Frysk akteur.

Peter Tuinman is berne yn Twizel as soan fan in skoallehaad. Heit Anne Tuinman sette toanielstikken oer, tekene, en skreaun revu’s. Mem Albertha Bloembergen wie djepleauwich en song yn it tsjerkekoar fan Oerterp. Syn âlden namen him faak mei nei it tejater yn Drachten.

As tsiener woe Tuinman lykwols sporter wurde. Op de middelbere skoalle blykt Peter as atleet en as basketballer by de bêsten fan de skoalle te hearren. Hy makket diel út fan it basketbalskoalteam. Hy wurdt ek lid fan atletykferiening AV’55 yn It Hearrenfean, mar neidat in lytse hertôfwiking fêststeld wurdt moat hy him syn dreamde karrière as atleet út’e holle sette.
Peter Tuinman giet dochs it toaniel op en troch it selskip Tryater waard hy bekend. Op it Drachtster Lyseum makket er de hbs-a ôf en giet sosjology studearjen. Hy brekt syn stúdzje lykwols ôf en wurdt frachtweinsjauffeur, diskjockey en barkeeper. Hjirnei wurdt hy manager by in bank. Syn hobby bliuwt toanielspyljen Op advys fan de lieder fan Tryater wurdt hy beropsakteur. Tuinman spile yn de televyzjesearjes Tusken wâl en skip (1977) en De Kris Pusaka út itelde jier, mar bruts troch mei syn rol yn de film Spetters as Jaap, de homoseksuele broer fan Fientje. Hjirnei folgen rollen yn ferskate oare Nederlânske spylfims. Tuinman is dêrneist aktyf as toanielspiler en as televyzje-akteur.

Tuinman is ek yn ferskate Fryske films te sjen, ûnder oaren yn De Dream - in ferfilming fan de Hogerhuis-saak út 1985 - en De Fûke (2000). Yn de dramasearje Dankert & Dankert fan Omrop Fryslân, ynspirearre op de twilling Willem en Hans Anker, spilet Tuinman de dûbele haadrol.
Yn 1985 krijt hy in Gouden Keal foar syn rol as Wybren Hogerhuis yn De Dream.

Tuinman is skieden. Ut syn houlik mei Froukje Oostra hat hy ien soan. Hy wenne yn 2005 yn Oerterp.

[bewurkje seksje] Filmografy

Spetters (1980) fan Paul Verhoeven
Het Teken van Het Beest (1980)
Een Vlucht Regenwulpen (1980) fan Ate de Jong mei Jeroen Krabbé en Marijke Merckens
Meisje Met Het Rode Haar (1981) fan Ben Verbong
Ik ben Joep Meloen (1981) comedy fan Guus Verstraete
De Weg (1982) fan Willy van Hemert, mei Sjoerd Pleysier en Anne Wil Blankers
De Stille Oceaan (1984) fan Digna Sinke mei Andrea Domburg
De Schorpioen (1984)
Parfait Amour (1985)
De Dream (1985) fan Pieter Verhoeff
Blindeman (1986) (TV)
Blonde Dolly (1987) -psychologische thriller fan Gerrit van Elst, Jonne Severijn
Van Geluk Gesproken (1987) – fan Pieter Verhoeff
De rivier waarin ik zwom (1988) fan Eric Oosthoek
De Papegaai (1989) mei Frank Groothof
Vincent & Theo (1990)
Ik Ga Naar Tahiti (1992)
Angie (1993) – fan Martin Lagestee
De Wereld van Ludovic (1993) (TV)
De Fjoertoer (1999)
De Fûke (2000)
De Zwarte Meteoor (2000) fan Guido Pieters
Nynke (2001) Pieter Verhoeff
De Skippers fan de Kameleon (2003) fan Steven de Jong
Sportman fan de ieu (2006)
De Scheepsjongens van Bontekoe (ferwachte yn 2007)

[bewurkje seksje] TV-searjes

Tussen Wal en Schip (1977)
De Kris Pusaka (1977)
Transport (1983)
Oog in Oog (1991)
Bureau Kruislaan (1993) detective fan Vivan Pieters
Unit 13 (1996)
Costa! ôfl. 'Zwoele Nachten, Ware Liefde' (2001)
[[Baantjer (televyzje)|Baantjer]]
- De Cock en de Moord op de Werf (2001)
- De Cock en de Onzichtbare Moordenaar -diel 1 en 2 (2006)
All Stars (18 desimber 2001, gastrol as Bram syn 'omke Jan')

[bewurkje seksje] Ferskaat

Abe spektakelstik (1995) yn It Abe Lenstra-stadion
Presintaasje fan it programma “Masterplan” fan Endemol (2003)
De Heeren van het Veen mei Jos Thie (2006) yn it Abe Lenstra-stadion mei Karin Bloemen.