Béal Átha na Sluaighe
Ón Vicipéid, an chiclipéid shaor.
| Béal Átha na Sluaighe | |
|---|---|
| Learscáil | |
  |
|
| Daonra an bhaile: | 6,219 (2002) |
| Daonra thuathúil: | 588 (2002) |
| Airde: | 71 m |
| Contae: | Contae na Gaillimhe |
| Cúige: | Connachta |
Baile in oirthear Chontae na Gaillimhe le daonra thart ar 6000 is ea Béal Átha na Sluaighe. Tá sé ar an mbóthar N4 as Gaillimh go Baile Átha Luain agus Baile Átha Cliath, i lár na hÉireann. Stopann traen na Gaillimhe ar a bealach go Baile Átha Cliath sa bhaile freisin. Tá an baile suite ar An tSuca, agus ceaptar gur mar gheall ar an oiread daoine a bheith ag trasnú na habhann ag an bpointe sin a thuill sé a ainm. Tá aonach mór "Aonach na gCapaill" ar an mbaile ón 18ú Aois, agus tá sé ar na haontaí capall is faide ar bun san Eorap. Bíonn féile agus aonach fós ar bun ag an am chéanna gach bliain.
Tá aithne ar an mbaile mar go bhfuil dhá oispidéal ann, Ospidéal Phortiuncula, ar ospidéal ghinearálta é, agus Ospidéal Naoimh Bríde, ospidéal meabhairghalair. Tá Ospidéal Naoimh Bríde ar tí dúnadh de réir mar a aistrítear othair meabharghalair go dtí cúram clinicí lasmuigh den ospidéal, agus go minic go tithíocht a chuireann an stát ar fáil. Bhí monarchan ag comhlacht pinn Meiriceánach A. T. Cross sa bhaile, ach tá sé tar éis dúnadh, maraon le monarchan bróg Dubarry agus monarchan FourSquare. Cé go bhfuil Gaillimh ag fás, is beag dul ar aghaidh atá le sonrú i mBéal Átha na Sluaighe féin, mar gheall ar an gcailliúnt oibre leis na monarchain a dúnadh le blianta beaga anuas.
