Eugen Bleuler
Ón Vicipéid, an chiclipéid shaor.
Bhí Paul Eugen Bleuler (rugadh 30 Aibreán 1857 agus fuair bás 9 Feabhra 1940) ina shíciatraí san Éilvéis. Chuir se go mór le tuiscint ghalair intinne agus d’ainmnigh sé an galar scitsifréine in alt dar teideal Dementia Praecox oder Gruppe der Schizophrenien sa bhliain 1911.
Rugadh i baile bheag Zollikon é, in aice le Zürich. Bhain sé céim amach sa leigheas in Ollscoil Zürich sa bhliain 1881 agus lean se lena chuid staidéireacht i bPáras, Londain agus München sular fhill sé ar Zürich mar intern in Burghölzi, otharlann ollscoile. Sa bhliain 1886 rinneadh stiúrthóir de i dteach na ngealt ag Rheinau, agus thug sé faoi ag feabhsú chúraim na hothair. Tugadh faoi ndeara a dheathionchar ar an tséirbhís agus dfhill sé ar Burghölzli sa bhliain 1898 mar stiúrthóir, áit ar fhostaigh sé Carl Jung mar intern.
An éacht is cáiliúla dá ndearna sé ná chum sé an tainm schizophrenia don ghalar intinne ar a ghlaoíadar Dementia Praecox go dtí sin. Thuig sé nach dementia a bhí ann agus nár thosaigh sé sna hóig (Praecox) i gcónaí. Chum sé an tainm as an Gréigis, Schizo (deighilt) agus Phrene (intinn).
Dúradh freisin gurb eiseann a chum an t-ainm uathachas in alt a foilsíodh sa bhliain 1912.
Deirtear gur músclaíodh a shuim sna hábhair seo de bharr ghalair intinne a dheirfiúr. Lean a mhac, Manfred Bleuler, lena shaothar tar éis bás Eugen Bleuler. Bhí Eugen Bleuler den tuairim nach raibh deighilt soiléir idir ghalar intinne agus intinn foláin in ainneoin go raibh a mhalairt de thuairim coitianta lena linn.
