Mícheál Ó Bréartúin
Ón Vicipéid, an chiclipéid shaor.
Rugadh Mícheál Ó Bréartúin i mBaile Átha Cliath i 1930. Chuaigh ar scoil sa Mhódhscoil Láir agus i gColáiste Mhuire. Rinne cúrsa innealtóireachta i gColáiste Ollscoile agus bhí ina Reachtaire ar an gCumann Gaelach ann.
Bhí ar bhunaitheoirí agus ar eagarthóirí POBAL agus ina eagarthóir ar Rogha an Phobail (Coiscéim, 1989). Chaith daichead bliain ag obair le Bord Soláthair an Leictreachais, go príomha ag gabháil de phleanáil an chóras traiseolta, agus chaith breis agus fiche bliain i mbun obair chomhairleoireachta i níos mó ná tríocha tír. Rinne cur síos i Gnótha Eachtracha (Coiscéim, 2000) ar ghnéithe de shaol agus de chultúr na dtíortha inar oibrigh sé. “An leabhar taistil is fearr sa teanga.” (Coiscéim, Catalóg 1980-2004)
