Apiario
Na Galipedia, a wikipedia en galego.
Un apiario é o lugar onde se teñen colmeas de abellas. En Galicia coñécese o apiario tradicional co nome de abellariza ou alvariza segundo as zonas, consiste en colmeas dentro dun alto muro circular, por veces tamén cuadrangular, para protexelas dos animais que se alimentan do mel como os osos e dos ventos fríos, ademais recibe a luz desde o alborexar ó estar orientados ó nacente. Estes apiarios tradicionais, antigamente presentes en todo o territorio galego, na actualidade vense en zonas montañosas como os Ancares, o Courel ou a Serra do Suído.
