Bestia do Gévaudan
Na Galipedia, a wikipedia en galego.
Nome propio. Orixinalmente en francés Bête du Gévaudan. Animal feroz que asolagou a rexión francesa do Gévaudan a finais do 1700.
Existe documentación que demostra a existencia da Bestia do Gévaudan e dos seus ataques: existen informes de non menos de 130 víctimas que o testemuñan.
[editar] A historia.
O Gévaudan, zona que pertence ó Languedoc (sur de Francia), foi dende sempre unha zona onde os ataques de lobos ós rebaños eran frecuentes. Sen embargo, o 30 de xuño de 1764 e por primeira vez, unha rapaciña de 14 anos (Jeanne Boulet) é asasinada cerca de Langogne, un pobo pertencente ó departamento francés da Lozère. E tras esta primeira víctima seguiron outras, tratándose sempre de nenos (curiosamente, ningún dos homes mortos pasaba dos dezaseis anos) e mulleres dos que os corpos se atopaban mutilados cunha violencia descoñecida ata entón, decapitados ou destripados. Logo segue unha extensa lista de ataques: outra neniña o 8 de agosto en Mas Méjean, dous rapaces de 15 anos ente finais deste mes e primeiros de setembro, unha muller de 36 anos no mesmo xardín da súa casa de Estrets... Este tipo de ataques fai pensar nunha bestia que, de algún modo "escollía" as súas víctimas entre os máis débiles.
Fixéronse na rexión numerosas batidas para darlle caza ó animal, organizadas moitas veces por nobles da zona, como o Marqués de Apcher ou o Conde de Morangias, pero sempre sen resultado. As noticias dos ataques da "bestia" acaba chegando ata a Corte, en Paris, e o rei Louis XV vese obligado a responder dalgún xeito ás demandas cada vez máis insistentes dos campesiños, a pesar de estar totalmente inmerso na guerra polas colonias de América contra Inglaterra, polo que decide ofrecer seis mil libras de recompensa a quen mate á bestia.
