Na Galipedia, a wikipedia en galego.

Personalidades en progreso: Este artigo relacionado coa historia é, polo de agora, só un esbozo. Traballa nel e contribúe a que a Galipedia mellore e medre.

Hildegart (Madrid, 9 de Decembro de 1914, † 9 de Xuño de 1933 en Madrid) foi unha nena prodixio, concibida por súa nai como o modelo de muller do futuro. Aos tres anos escribía e aos 8 falaba 6 idiomas. Acabou a carreira de dereito con 17 anos e foi unha activa membro do Partido Socialista e despois do Partido Federal. Cando comezaba a ser coñecida internacionalmente e ante o intento de separase do proxecto que a súa nai tiña para ela, cando durmía, disparoulle catro tiros e matouna.

Índice 1 Infancia 2 Activista 3 A Revolución Sexual 4 O fin 5 Obras 6 Bibliografía 7 Obras inspiradas na súa vida 7.1 Novela 7.2 Cinema

[editar] Infancia

Hildegart foi concibida en Ferrol pola socialista Aurora Rodríguez Carballeira e un pai biolóxico escollido por súa nai só para este fin. Cando estivo preñada mudouse a Madrid, onde naceu Hildegart un 9 de Deembro no número 3 da rúa Juanelo. No conxunto de ideas estrañas da súa nai estaba que os nenos non debian ser inscritos no rexisto, ainda asi fixo-o (en data tan avanzada como o 29 de Abril, previo bautizo o 23 de Marzo, pese a ser súa nai atea militante).
Na súa partida de nacimento consta como Hildegart Leocadia Georgina Hermenegilda Maria del Pilar Rodriguez Carballeira, ainda que só usou o primeiro dos nomes. Súa nai sempre dixo que Hildegart significaba "Xardín de Sabedoria" en alemán, pero nada xustifica esa afirmación, realmente é unha invención ou o nome alemán Hildegard (virxe heroica, que dá abeiro na batalla) mal escrito. Até os 4 anos visitou-na seu pai, até que Aurora comezou a sospeitar da súa influencia e llo prohibiu.

[editar] Activista

Desde moi moza comezou a militar activamente no PSOE e na UGT, tendo un amplo apoio entre as bases ainda que a cúpula a miraba con receo e intentaba minimizar a súa presenza pública. A publicación en 1932 dunha carta no periódico La Libertad no que criticaba duramente unha posíbel alianza do PSOE cun candidato reaccionario provocou a sua expulsión. Tras isto converteuse en membro do Partido Federal e nunha fervente crítica dos "socialenchufistas".

[editar] A Revolución Sexual

Hildegart foi unha das persoas mais activas no movimento pola reforma sexual na España do seu tempo, e estivo conectada con vanguarda europea no tema, incluindo correspondencia con Havelock Ellis, de quen era tradutora. Cando se funda a Liga Española pola Reforma Sexual presidida polo doutor Gregorio Marañón, ela é sen dúbida escollida secretaria. Publicou múltiplos textos, entre eles a monografia La Revolución Sexual que vendeu 8.000 exemplares só en Madrid na semana da súa publicación. Mantivo unha extensa correspondencia con personalidades europeas da época, entre eles con H. G. Wells, a quen acompañou extensamente cando visitou Madrid e cuxa pretensión de levala a Londres como secretaria, ademais de coa intención de que se separase da súa nai e desenvolvese o seu potencial, deu corpo ás paranoicas conspiracións que Aurora vía ao seu redor.

[editar] O fin

Ainda que no seu tempo apareceron diferentes teorias, entre elas unha suposta relación sentimental con Abel Vilella, o que parece mais probábel e coincide co relato de súa nai, é que o deterioro da relación entre ambas era profundo, principalmente polo avanzo da paranoia da nai. Hildegart intentou varias veces separarse dela, ao que a nai respostaba con ameazas de suicidio. Cando viu que a súa filla se apartaba do seu proxecto e dela, decidiu destruila: "O escultor, despois de descobrir a mínima imperfeizón na súa obra, destruea". Pola noite, en canto Hildegart dormia, disparoulle tres tiros na cabeza e un no corazón.

[editar] Obras

• La rebeldía sexual de la juventud Madrid: Javier Morata 1931.
  

Reeditado con prólogo de Eduardo de Guzmán. Editorial Anagrama, Barcelona, 1977. 262 pp. ISBN 84-339-1302-6

• Profilaxis Anticoncepcional, Valencia 1931
• Malthusimo y neomalthusismo, Madrid 1932
• ¿Se equivocó Marx?, Madrid, Edición Novela Proletaria, 1932
• ¿Quo vadis, burguesía?, Madrid, Edición Novela Proletaria, 1932
• El problema sexual tratado por una mujer española Madrid, Ediciones Morata, 1977 258 PP.

ISBN 84-7112-057-7

• Métodos para evitar el embarazo. (Maternidad voluntaria) Zaragoza, Guara, 1978 128 p. ISBN 84-85303-04-0 Esgotado

[editar] Bibliografía

• A mi no me doblega nadie: Aurora Rodríguez, su vida y su obra (Hildegart) - Rosa Cal Mártinez
  

Sada : Ediciós do Castro, D.L. 1991 ISBN 84-7492-542-8

• Hildegart, la virgen roja Joan Llarch, Barcelona : Producciones editoriales, 1979. 155 p.

• El manuscrito encontrado en Ciempozuelos Guillermo Rendueles Endymion, 1989 ISBN 84-7731-023-8 Estudo do historial clínico de Aurora no hospital de Ciempozuelos.

[editar] Obras inspiradas na súa vida

[editar] Novela

• Aurora de sangre (Vida y muerte de Hildegart) Eduardo De Guzmán 1972 Editorial Mundo Actual.

• Aurora de sangre o la virgen roja" Rafael Azcona Jet Films 1977. Guión do filme de Fernán Gómez baseado na novela de Eduardo de Guzmán

• Auroras Anlaß Erich Hackl, Zürich 1987 Excelente artigo da wikipedia en alemán

• La virgen roja Fernando Arrabal, Barcelona, Seix Barral, 1987.

[editar] Cinema

• Mi hija Hildegart (Fernando Fernán Gómez, 1977)