Ledesma, Boqueixón
Na Galipedia, a wikipedia en galego.
San Salvador de Ledesma é unha parroquia do municipio de Boqueixón.
É un lugar de especial encanto pola presenza dun río Ulla que, nesta parroquia, se divide en múltiplos brazos formando vizosos illotes de doado acceso. Visita recomendable para fuxir da aceleración urbana (a 25 minutos de Santiago).
A ponte medieval (máis que romana) que lle dá nome á vilas está pechada ao tráfico rodado (agás motos) dende comezos do 2001 mediante uns bolardos de pedra. Existe unha discusión permanente sobre a propiedade administrativa das ínsuas: uns veciños din que son de Gres, na provincia de Pontevedra, mentres que outros reclámana para Ponteledesma, da Coruña. O único claro é que as dúas vilas forman unha continuidade habitada onde o único criterio para distinguir partes nela é o da división do río, tan artificiosa coma relativa, pois os veciños das dúas bandas do río se relacionan sen máis problemas que os que se queiran buscar.
No río hai catro ínsuas. Ademais das pontes (unha moderna e outra medieval ou romana) que cruzan o río pasadas As Ínsuas, tamén se pode cambiar de banda do río a través das propias ínsuas. Dende a banda sur, onde está un dos bares máis frecuentados pola mocidade local, pódese chegar á ínsua máis grande, onde ademais está o campo da festa. A superficie desta ínsua está limpa de mato, agás nas beiras do río, onde se permitiron medrar as árbores e herba grosa. Ademais das instalacións montadas para as festas locais, esta ínsua conta cun palco permanente de cemento e tamén dunha escultura en honor do escritor Xosé Neira Vilas, natural de Gres. Río arriba están as outras insuíñas, ás que se pode acceder dende esta primeira, sendo a última a chamada "Ínsua dos namorados" (por evidentes razóns), así coma tamén á outra banda do río grazas a uns pasais no medio da auga. Estas insuelas forman parte da cultura recreativa da poboación de Ponteledesma e de Gres, pois aí xúntanse os mozos e mozas para se bañaren en verán.
 Ponte de Ledesma sobre o río Ulla |
 Ponteledesma |
[editar] Parroquias de Boqueixón
| Galicia | Provincia da Coruña | Parroquias de Boqueixón | |
|---|---|
|
Boqueixón (San Vicente) | Codeso (Santaia) | Donas (San Pedro) | Gastrar (Santa Mariña) | A Granxa (San Lourenzo) | Lamas (Santa María) | Ledesma (San Salvador) | Lestedo (Santa María) | Loureda (San Pedro) | Oural (Santa María) | Pousada (San Lourenzo) | Sergude (San Breixo) | Sucira (Santa Mariña) | Vigo (Santa Baia) |
[editar] Véxase tamén
|
Referencias relacionadas con Galicia |
||
