Paz Lenchantin
Na Galipedia, a wikipedia en galego.
Paz Lenchantin é unha experimentada música arxentina. Naceu en Mar del Plata, Arxentina en 1973. Ela é de ascendencia francesa pola súa nai Ana Lia Lenchantin, e de orixe armenio por parte do seu pai, Mario Merdirossian. A música é unha tradición na súa familia, sendo os seus pais e irmáns músicos tamén. Chegou a Los Angeles cando era pequena e empezou a tocar o piano á idade de cinco anos, seguindo despois coa guitarra, o violín, o cello, o baixo e demais instrumentos.
[editar] Carreira Musical
Participou na banda estadounidense A Perfect Circle con Maynard James Keenan, Billy Howerdell, Josh Freese e Troy Van Leeuwen no seu primeiro álbum, "Mer de Noms" como baixista, pero tamén gravou o violin e o cello.
Nun tempo de descanso de A Perfect Circle, ela e Troy Van Leeuwen separáronse da agrupación, el uníndose a Queens Of The Stone Age e ela a Zwan, o novo proxecto de Billy Corgan, ex guitarrista/vocalista/fundador da banda The Smashing Pumpkins.
No proxecto Zwan, o cal contaba ademais coa participación de Matt Sweeney, David Pajo, Jimmy Chamberlin e a súa irmá, Ana Vale Lenchantin, Paz participou tamén no baixo, cordas e voces, como en A Perfect Circle.
Zwan durou relativamente pouco, dous anos aproximadamente, e despois disto, Paz regresou momentaneamente a contribuir con A Perfect Circle no disco eMOTIVe, e faciendo un remix en cordas do track "The Hollow" para o DVD de A Perfect Circle aMOTIOn.
Porteriomente á separación de Zwan e despois de participar no eMOTIVe e aMOTIOn, Paz uníuse á agrupación de David Pajo, chamada Papa M, aínda que ás veces se lle chama Aerial M, M The Thirteenth Letter ou sinxelamente M, para despois unirse a unha nova agrupación chamada Royal Trux. Paz Lenchantin tamén colaborou co álbum "Songs for the Deaf" de Queens Of The Stone Age.
Nalgún momento, formou parte dunha agrupación chamada The Chelsea, formada unicamente por mulleres, entre as cales atopábase Melissa Auf der Maur, coa cal colaboraría despois no seu álbum de debut en solitario, "Auf der Maur".
Ela ademais sacou o seu propio álbum como solista, chamado "Yellow My Sky Captain", o cal xa non está dispoñible e é extremadamente difícil de atopar, xa que fixo que o retirasen das tendas despois dun tempo á venda. Actualmente está traballando nun novo álbum en solitario, aínda sen título.
