Provincia de Zamora
Na Galipedia, a wikipedia en galego.
A provincia de Zamora é unha provincia española integrada actualmente na Comunidade Autónoma de Castela e León e cuxo territorio pertenceu antigamente ao Reino de León. O territorio da provincia de Zamora abarca 10.559 km² e conta con 198.028 habitantes (2005). Trátase dunha poboación fortemente envellecida e en clara regresión demográfica. Os seus principais núcleos de poboación son a capital da provincia, Benavente e Toro. Outras localidades, cabezas de partido xudicial xunto coas anteriores, son: Villalpando, Puebla de Sanabria e Alcañices.
Índice |
[editar] Composición
As comarcas da provincia son:
- Sanabria.
- La Carballeda.
- Benavente y Los Valles.
- Tierra de Campos.
- Aliste.
- Tierra de Alba.
- Tierra de Tábara.
- Tierra del Pan.
- Sayago.
- Tierra del Vino.
- Alfoz de Toro.
- La Guareña.
[editar] Fronteiras
A provincia limita coas seguintes provincias: ao norte e sur coas provincias de León e Salamanca respectivamente , ao Leste coa Valladolid, e ao oeste coa galega Ourense e tamén co distrito portugués de Braganza.
[editar] Características
Comprendida na submeseta norte, o seu territorio presenta numerosos contrastes. Destaca unha zona montañosa ao norte, parte dos Montes de León, con alturas que chegan aos 2.127 m (Pena Trevinca). Na zona occidental da provincia, a Sierra da Culebra rexistra alturas de ata 1.243m (Pena Mira) e acolle no seu seo a Reserva Nacional de Caza do seu mesmo nome, con importantes poboacións de lobo ibérico (as máis significativas da península), cervos e xabaríns, entre outros. Ao SO da provincia o río Duero discorre encaxonado nunha garganta denominada Las/Os Arribes do Duero con desniveis de ata 200 m, constituíndo unha fronteira natural con Portugal. A zona centro, leste e sur presenta a típica chaira meseteña.
[editar] Hidrografía e recursos do subsolo
A hidrografía provincial está fortemente marcada polo Duero, que a atravesa de E a Ou, e os seus afluentes: Valderaduey, Esla, Órbigo, Tera, Cea, Aliste, (estes 4 últimos afluentes do Esla), Guareña, Tormes. A excepción constitúea o río Bibey, afluente do Sil, que discorre pola zona máis noroccidental da provincia. As augas do Duero, do Tera, do Esla, do Bibey e do Tormes foron embalsadas ao longo do seu curso pola provincia para aprovechamiento hidroeléctrico, sendo os embalses de maior capacidade o de Almendra no Tormes e o de Ricobayo no Esla. De particular interese son o Lago de Sanabria, o maior da península de orixe glaciar e as Lagoas de Villafáfila, de carácter estepario, con importantes concentracións de aves en determinadas épocas do ano. Existen augas minero-medicinales nos pobos de Almeida, Ribadelago (Bouzas) e Calabor.
