Ra
Na Galipedia, a wikipedia en galego.
| Ra | ||||||||||||
|---|---|---|---|---|---|---|---|---|---|---|---|---|
 |
||||||||||||
| Clasificación científica | ||||||||||||
|
||||||||||||
| Género | ||||||||||||
| Ver texto | ||||||||||||
Unha ra é un anfibio da familia Ranidae, da orde Anura. Están emparentados cos sapos. Existen unhas 4800 especies de ras. A maioría pasa a sua vida dentro ou cerca da agua. O seu tamaño é variábel. Entre as máis pequenas ras encontramos o coqui, mentres que la maior ra é a goliat.
En Galiza hai catro especies de ras:
- Dúas son do grupo das ras pardas (cor parda, beis, laranxa ou avermellada, cunha mancha escura aos lados da cabeza).
- Rana iberica, co nome común de ra patilonga, ra dos regos ou zampexa (cast. rana patilarga, port. ra-ibérica). É unha ra moi frecuente no noroeste peninsular, é a ra máis pequena das galegas, con patas posteriores moi longas. Teñen fociño puntiagudo, ollos grandes e o seu canto é baixo. Están moi ligadas á auga, basean a súa alimentación en pequenos invertebrados, artrópodos principalmente.
- Rana temporaria, co nome común de ra vermella ou ra do monte (cast. rana bermeja). Teñen a cabeza máis ancha que longa, fociño redondeado, ollos prominentes e tímpano ben marcado e grande. O canto non é moi forte e están distribuidas polo centro e norte das provincias da Coruña e Lugo, e nalgunhas serras pontevedresas.
- Rana Perezi, chamada popularmente ra verde (en español, rana verde ou rana común): Pertence ao grupo das ras verdes e posúe un canto moi forte. Trátase dunha ra grande, con fociño puntiagudo e ollos moi xuntos e grandes. Chegan a vivir como mínimo uns 10 anos. Aliméntanse de artrópodos, moluscos e oligoquetos.
- Hyla arborea, chamada popularmente estroza, ra de Santo Antón ou rela (Cast. ranita de San Antonio; port. Rela, rela-de-molher). É unha pequena ra de costumes trepadores, unha pequena ra de cor verde brillante, de pel lisa. Ten o fociño curto e redondeado. Obsérvanse por todo o territorio galego.
As ras habituais en Galiza teñen o dorso verdoso ou pardo, o abdome claro e os ollos saltóns. A palabra "ra" é un epiceno, carece de masculino: O sapo é un animal diferente
[editar] Especies
Algunhas das especies dentro da familia Ranidae son:
- Agalychnis callidryas - Ra arbórea de ollos colorados
- Centrolenella spp. - Ra de vidro
- Ceratophrys ornata - ra propia de Arxentina, en español "Escuerzo"
- Cyclorana platycephalus - Ra do deserto
- Dendrobates e outros xéneros - Ra venenosa
- Eleutherodactylus johnstonei - Coqui
- Gastrotheca marsupiata - Ra marsupial
- Hyla arborea - Ra de Santo Antón, estroza ou rela.
- Hyla faber - Ra ferreiro
- Leptodactylus ocellatus - Ra crioula
- Litoria caerulea - Ra arbórea de White
- Litoria nasuta - Ra foguete
- Pseudacris crucifer -
- Pseudis paradoxus - Ra patiño
- Rana berlandieri e outros xéneros - Ra Leopardo
- Rana catesbiana - Ra touro
- Rana esculenta - Ra europea
- Rana iberica - Ra patilonga, ra dos regos ou zampexa.
- Rana goliath - Ra goliat
- Rana perezi - Ra verde.
- Rana temporaria - Ra vermella, ra do monte.
- Rhacaphorus nigripalmatus - Ra voadora asiática
- Rhinoderma darwini - Ra de Darwin ou Sapiño vaqueiro
[editar] Ligazóns externas
- The Whole Frog Project - (disección virtual da ra e a sua anatomía)
- Disappearance of toads, frogs has some scientists worried ~ San Francisco Chronicle, 20 de abril de 1992
[editar] Bibliografía
- GALÁN REGALADO, Pedro e FERNÁNDEZ ARIAS, Gustavo: Anfibios e réptiles de Galicia, Ed. Xerais de Galicia, Colección Montes e Fontes, Vigo, 1993. (Este libro posúe unha ampla bibliografía e fotografías)
