Scott Tenorman

Na Galipedia, a wikipedia en galego.

Scott Tenorman, dobrado por Toby Morton, é unha personaxe de ficción da serie de animación South Park.

Dacordo cos South Park Studios o apelido de Scott foi nun principio "Tenorall" e llo puxo Trey Parker pero cambiárono por "Tenorman" porque era máis sinxelo de pronunciar.

Aparece no episodio 501 de South Park "Scott Tenorman Debe Morrer" (Scott Tenorman Must Die, orixinalmente emitido o 11 de xullo do 2001), onde un dos personaxes principais de South Park, Eric Cartman, busca vinganza contra Scott por enganalo e humillalo en varias ocasións. Ademáis ten unha breve aparición no episodio 906, "A morte de Eric Cartman" (The Death of Eric Cartman, orixinalmente emitido o 13 de abril do 2005) no que Cartman pide perdón a Scott po-lo seu comportamente neste episodio.

Aviso: Esta sección pode conter detalles da trama.

[editar] Historia do personaxe

Scott é rubio, ten grandes orellas e pencas na cara. Viste unha camiseta negra por riba dunha camiseta branca de manga longa, pantalóns de cor laranxa con petos ós lados e uns tenis azuis e grises. Está en oitavo ou noveno curso (durante o capítulo Stan e Kyle contradinse) en South park. É un gran fan do grupo Radiohead. É encantador, abusón, manipulador e mentireiro. Scott minte a Cartman un feixe de veces en "Scott Tenorman Debe Morrer": vendéndolle pelo púbico, enganándolle para que lle dea 16'12 dólares e convencéndoo para ir a un imaxinaria feira do pelo púbico en Fort Collins. Un dos enganos abusóns de Scott fai que Kenny morra coa risa cando Scott amosa un video de Cartman cantando e bailando "Son un porquiño" ("I'm a Little Piggy"), unha versión alterada de "I'm a Little Teapot" ("Son unha teteira"), ante un pequeno público, incluido Cartman e os seus amigos, no centro de South Park.

Os pais de Scott foron asasinados polo granxeiro Carl Denkins por entrar na granxa de Denkins mentras intentaban salvar un "pónei abandoado". A súa morte foi planeada por Cartman, inspirado na obra de Shakespeare Titus Andronicus, como vinganza contra Scott po-las repetidas humillacións. Para a súa vinganza Cartman invita a Scott a un festival de chile onde o engana para que coma o suxerente "Chile Sr. e Sra. Tenorman", que contén pelo púbico de Scott (o cal esperaba enganar a Cartman para que o comera), e carne cociñada dos seus pais. Esto provoca que Scott se poña a chorar diante do seu grupo favorito Radiohead, que foran invitados a vir, e estes o chamen "chorón". Ter sido enganado para come-los seus pais e ser chamado "chorón" po-lo seu grupo favorito arruina a vida de Scott.

Scott fai un "cameo" en A Morte de Eric Cartman (The Deat of Eric Cartman), onde Cartman, intentando compensa-los seus pecados, visita a Scott na tumba dos seus pais e dalle unha cesta de froitas.