Tarde de domingo na illa da Grande Jatte
Na Galipedia, a wikipedia en galego.
Tarde de domingo na illa da Grande Jatte (Un dimanche après-midi à l'Ile de la Grande Jatte) é a obra máis famosa de Georges Seurat, exemplo do puntillismo. que é amplamente considerada como unha das máis salientes pinturas do XIX, dentro de período post-impresionista.
A illa da Grande Jatte está no río Sena en París entre La Defense e o suburbio de Neuilly,cortado polo Pont-de-Levallois. Aínda que durante varios anos foi un sitio industrial, hoxe é un xardín público e de desenvolvemento edificábel. No 1884, a illa era un retiro bucólico do centro urbano.
Seurat tardou dous anos en pintar a obra, rexistrando escrupulosamente a paisaxe do parque. Non só traballou no orixinal, senón que completou numerosos debuxos preliminares e esbozos ao óleo. Desexaría ir e sentar no parque para realizar inúmeros borradores de variias figuras para perfeccionar a súa forma. Concentrouse en aspectos da cor, luz e forma. A obra ten unha dimensións de 2 por 3 metros.
Impelido por recentes estudos coetáneos de óptica e o desenrolo da teoría das cores, contrapuxo puntos de cor que, a través dunha unificación óptica, forman un matiz sinxelo na vista do espectador. Cría que este modo de pintar, agora coñecido como puntillismo, podía converter os colores en máis brillantes e enérxicos, que as pinceladas ao uso. A fin de facer a experiencia máis vívida, rodeou todo cunha estructura de puntos pintados, que a súa vez encerrou cun marco de madeira branco puro, que é como se exhibe aínda hoxe no Art Institute of Chicago.
Na creación da pintura, Seurat empregou o entón novo pigmento zinc amarelo (zinc cromado), moi visíbel nos amarelos brillantes que figuran no céspede da pintura, máis tamén nas mesturas con pigmentos laranxa e azúis. Porén con o tempo o zinc amarelo tendeu a escurecerse e acastañarse, unha dexeneración da cor que comezou a aparecer aínda en vida de Seurat.
