Evangelio Secundo Mattheo/Introduction

De Wikipedia, le encyclopedia libere

---

INTRODUCTION AL EVANGELIO SECUNDO MATTHEO

---

Autor:

Mattheo (alsi appellate Levi), uno del dece-duo apostolos, Mr 2:14. Sin dubita un Judeo, le qual esseva un collector de impostos roman, Mt. 10:3. Quando ille esseva appellate per Jesus, ille quitava toto e Le sequeva, Lu. 5:27,28. Ille organisava un grande banchetto pro Jesus, e Ille participava a lo, nonobstante le facto que le collectores de impostos esseva dispreciate, Lu. 5:29.

A qui illo primo se adressava:

Primarimente al Judeos, isto es confirmate per le facto que il ha circa 60 referentias al prophetias judee e circa 40 citationes ab le Vetule Testamento. Le mission de Christo verso le Judeos es particularmente emphatisate, Mt. 10:5,6; 15:24.

Parolas clave:

• Accomplite, frequentemente repetire pro indicar que le prophetias del Vetule Testamento se accompliva in Christo.
• Regno appare 50 vices e le Regno del celos 30 vices.
• Rege, Jesus, 2:2; 21:5; 22:1; 25:34; 27:11, 37, 42.

Proposito apparente:

Monstrar que Jesus de Nazareth esseva le Messia regal del prophetias judee.

Characteres distinctive:

1. Le complete genealogia de Christo, 1:1-17.
2. Evenimentos e discursos que se trova solmente in iste Evangelio.
   1. Cap. 2, Le visita del Magos, v. 1; le fugita in Egypto, vv. 13-14; le assassinato del pueros, v. 16; le retorno a Nazareth, vv. 19-23.
   2. Cap. 3. Phariseos e Sadduceos visita Johannes Baptista, v. 7-
   3. Cap. 5-7. Le sermon sur le montania (complete).
   4. 11:28 "Veni a me, vos omne que es fatigate...".
   5. 14:28-31. Petro que ambula sur le aqua.
   6. Cap. 23. Le denunciation del Phariseos como discurso extendite.
   7. 26:15. Le trenta monetas de argento acceptate per Juda.
   8. Cap. 27. Le retorno del trenta monetas de argento, vv. 3-10; le sonio del sposa de Pilato, v. 19; Le apparition del sanctos resurgite, v. 52; le vigilia al tumba, vv. 64-66.
   9. Cap. 28. Le corruption del soldatos, vv. 12,13; le tremor del terra, v. 2; le grande mandato, vv. 19-20.
3. Miraculos que se trova solmente in Mattheo.
   1. Le duo cecos resanate, 9:28-30.
   2. Le moneta pro le impostos, 17:24-27.
4. Parabolas que se trova solmente in Mattheo
   1. Cap. 13, le mal herbas, v. 24; le tresor celate, v. 44; le belle perla, v. 45; le rete; v. 47.
   2. Cap. 18. Le servitor sin misericordias, v. 23.
   3. Cap. 20. Le obreros in le vinea, vv. 1-16.
   4. Cap. 21. Le duo filios, vv. 28-32.
   5. Cap. 22. Le maritage del filio del rege, vv. 1-14.
   6. Cap. 25. Le dece virgines, vv. 1-13; le talentos, vv. 14-30; le oves e le capras, vv. 31-46.

Analyse:

Del puncto de vista del regalitate de Christo.

Le Rege. Le historia del Messia regal

Genealogia e nascentia, cap. 1; le recerca, cap. 2:2; le adoration, 2:11; le heraldoo, 3:1-12; su victoria spiritual, 4:1-11; su proclamation, 4:17; le appello del discipulos, 4:18-22; le leges e le mandatos, cap. 5-7; le parolas e le obras, cap. 13; le assassinato del precursor, 14:1-12; Su poter super le fortias natural e le maladias, 14:14-36; 15:32-39; Su revelation del insensivitate del homines, e su proxime suffrentia e gloria, cap. 16-17; Su instructiones concernente le principios del regno, cap. 18-20; Su entrata triumphal in le capital, su rejection, parabolas e prophetias, 21:1-22:14; su discoperta del complot del Phariseos e del Sadduceos, 22:15-46; Su denunciation del chefes, cap. 23; Su prophetias e parabolas concernente le futuro, cap. 24-25; le evenimentos conducente a Su traition, 26:1-46; Su processo, 26:57-75; 27:1-31; Su crucifixion, 27:31-50; le evenimentos immediatemente sequente Su morte, 27:51-56; Su reapparition sur le terra, e Su commission a Su discipulos, cap. 28.