Linspire
De Wikipedia, le encyclopedia libere
Linspire(tamben Lin---s, pronunciate como Lindash) olim Lindows usque 14 de april, 2004 es un distribution de Linux basate sur Debian. Illo es intendite pro le consumitor individual plus intensivemente que tote le altere distributiones de Un*x/Linux, e in secunde placia solmente al Mac OS X. Lindows esseva le prime distribution de Linux in reimplaciar Microsoft Windows in computatores personal pro le consumitor, e offerite a un multo plus basse precio que su competitor Microsoft Windows.
Microsoft Inc. litigava contra Lindows.com pro le uso del termino "windows" le qual Microsoft mantineva esser un infraction contra su marca registrate. In februario de 2004, un judice rejectava duo del cargos que Microsoft habeva contra Lindows.com. Microsoft diceva que illes appellara le decision.
Le objectivo initial de Lindows esseva le disveloppamento de un systema de operation basate sur Linux capabile de operar le programmas de Windows plus popular. Ma le compabilitate con Windows esseva basate sur le disveloppamento de WINE (un programma de emulation del systema de operation Windows) per le equippage de Lindows.com e altere programmatores voluntari. Iste objectivo esseva abandonate plus tarde e le compania decideva dedicar se a offerer facilitate de discargar e installar programmas de Linux, e anque facilitar le uso de iste programmas. Isto es arrangiate in grande parte gratias a lor application de un servicio appellate Click-N-Run, basate sur le technologia del systema Degian appellate apt-get, le qual provide un interfacie simple assi le nomine "clicca e curre" al costo de $99 per anno (le apt-get de Debian es gratuite ma plus difficile pro usar). Click-N-Run ha plus de 1000 programmas pro discargar. Lindows es critisate pro su carentia de multe del popular ferramentos de linea de commanda usabile con altere distributiones de Linux, facente lo minus usabile pro usatores avantiate e anque facente lo non-conformante con le Base Standard de Linux. Non obstante, le fabricatores de Lindows insiste que illes non ha removite de uso necun de iste programmas popular proque Lindows include le servicio apt-get, lo que permitte le discargamento de iste programmas si on vole.
Lindows.com ha adjutate in subventionar multe eventos e projectos de Open-Source, includente le cliente de messages instantanee appellate Gaim, le KDE-Apps.org e KDE-Look.org sitos de web, e le projecto Nvu, le qual disveloppa un editor de sitos web WYSIWIG de Open-Source como rival al FrontPage de Microsoft. In le passato, Lindows.com ha contribuite plus de USD$ 500.000,00 al projecto WINE.
Le fundator de Lindows.com, Inc. es Michael Robertson, anque le fundator de MP3.com.
