Tolerantia religiose

De Wikipedia, le encyclopedia libere

Le neutralitate de iste articulo es disputate. Per favor lege le pagina de discussion del articulo.

---

LE TOLERANTIA REDEFINITE PER LE IDEOLOGIA POSTMODERNE

Ille/a ha le mente claudite, ille/a es intolerante, arrogante. Tote iste terminos es frequentemente usate pro denigrar e ridiculisar tote illes que crede que le absolutos existe e pote esser cognoscite, que il ha justos e injustos moral, que alicun punctos de vista es correcte e le alteres erronee.

Relativismo -- un credentia diffuse

Un numero crescente de gente repulsa le idea del existentia de absolutos in favor del philosophia del relativismo moderne. Hodie le relativismo assere dogmaticamente que nihil pote esser cognoscite con certitude, excepte le maxima del relativismo... si, un assertion contradictori. Iste dogmatismo es simile al assertion atheista emphatic que Deo non existe. Durante que, sub le relativismo, le cognoscentia positive es impossibile, nulle puncto de vista pote legitimemente pretender de esser superior, excepte naturalmente le relativismo. Non mesmo qualcunque individuo o gruppo ha un base o prerogativa pro dicer que qualcosa o qualcuno es juste o errate. Pro le relativista, facer un tal distinction es un acto inherentemente presumptuose - un moderne offensa. Le corollario de isto hodie se suscita le accusation de manco de tolerantia in quasi omne discussion super subjectos controverse. Assi, que es le tolerantia?

Tolerantia -- un virtute mutabile?

In un senso traditional, le tolerantia es le respecto del ideas, credentias e practicas de alteres que differe de nostre proprie. Isto include le capacitate de comprender alteres, como illes pensa o senti, e de imaginar se in lor placia. Istes es tractos nobile del character le quales longemente esseva inseniate e practicate in nostre civilisation.

Le maniera in le qual le concepto de tolerantia esseva hodie redefinite, tamen, es sovente un grande distorsion de su significato essential. Le ver tolerantia comprende le respecto pro le dignitate de altere personas, sin considerar lor qualitates. Le notion redefinite de toleratia, del altere latere, non require simplemente le respecto del differentias, ma sovente require le acceptation del credentias e del practicas de alteres.Qualcunque persona o idea que se oppone a iste nove definition es, naturalmente, considerate intolerante. Sub le "nove" tolerantia, illes qui prefere de non esser de accordo es classificate como personas con le mente claudite e bigot. In le mundo relativista, il non ha alcun base genuin pro decider si qualcosa es juste o errate. Le criterios es simplemente si un preferentia personal es politicamente correcte o incorrecte.

Le relativismo regna!

Le relativistas dice que le moralitate es relative al individuo e que le valores de cata persona deberea esser tolerate (acceptate). Illes, tamen, judica hypocritamente cata uno secundo lor proprie redefinition de tolerantia. Lo que iste personas quasi semper intende quando illes parla de tolerantia es que vos deberea esser tolerante de tote le punctos de vista excepte illos con le quales illes non concorda. Iste sorta de "tolerantia" non es in toto tolerantia, ma le ethica del fortias dominante per le qual le relativistas reteni un complete controlo del discussion sub un dictatura intellectual e illes censura omne punctos de vista opposite.

Fundamentalmente illes dice: "Non osa imponer vostre valores super nos, ma nos pote imponer nostre valores super vos". Benque illes lamenta effortios de censura, illes non hesita essayar de bandir ex le sphera public le expression de ideas que illes non ama. In breve, illes es hypocritas -ingagiate typicamente in un lucta de poter inethic e sin scrupolos.

Disaccordo = Odio?

Le relativistas de hodie, in ultra, confunde un genuin disaccordo con expressiones de odio verso le personas con le quales on non es de accordo. Un bon exemplo de iste maniera de pensar fallace veni del activistas pro le derectos del homosexuales. Lor objectivo es le approbation universal del stilo de vita homosexual. Non es sufficiente pro le homosexuales esser respectate como esseres human - de facto omne membro del societate deberea acceptar le legitimitate del comportamento homosexual. Quicunque non es de accordo con isto es classificate como intolerante, plen de odio, bigot e homophobic. Iste tactica pare functionar multo ben in nostre societate, alteres similmente lo usa. Esque le societate non es forsan intolerante quando illo non accepta un varietate de altere comportamentos como, p. ex. le uso de drogas, incesto, copulation con animales, etc.? Si non, proque?

Dale Berryhill remarcava: "Le tolerantia como virtute intra un structura moral functiona ben, ma le tolerantia como principio subjacente - como le fundamento de un structura moral - non functiona. Como considerar le personas mesme que assere de fundar lor integre philosophia super le tolerantia, le quales se demonstra intolerante? Inter altere cosas, isto demonstra que le pur tolerantia - un tolerantia fundate super le relativismo moral - es impossibile"