Union Mundial pro Interlingua
De Wikipedia, le encyclopedia libere
Le Union Mundial pro Interlingua (UMI) es un entitate sin scopo lucrative que se dedica a promover le cognoscentia e le uso de Interlingua in le mundo.
Le UMI es un institution pro cooperation international concernente le promotion del uso de Interlingua pro communication international in situationes adequate, le information super iste lingua, le edition de manuales, dictionarios e altere publicationes de Interlingua.
Le UMI ha membros, representantes e representationes in cinque continentes. Un consilio executive con un presidente, un secretario general, un vice-secretario e un administrator prende cura del activitates quotidian del UMI. Un consilio general con al maximo duo representantes ab cata pais, in le qual il ha un representation national de interlingua, discute le lineas plus longe.
Le UMI edita le magazin bimensual, Panorama in Interlingua, con informationes international in interlingua pro un publico global: jornalismo, novas, reportages, interviews, recensiones de libros, e con foco special al diffusion de interlingua e novas de interlingua globalmente.
Le UMI esseva fundate le 28 de julio 1955, e conferentias international occurreva in Tours (Francia) 1955, Basel (Suissa) 1957, Tours (Francia) 1959, Basel (Suissa) 1971, Norwich (Grande Britannia) 1974, Sheffield (Grande Britannia) 1983, Taastrup (Danmark) 1985, Paris (Francia) 1987, Zwolle (Nederland) 1989, Helsingborg (Svedia) 1991, Borne (Nederland) 1993, Praga (le Republica Tchec) 1995, Strasbourg (Francia) 1997, Focsani (Romania) 1999, Gdansk (Polonia) 2001, Lovetch (Bulgaria) 2003, Åsa (Svedia) 2005.
[modificar] Ligamines externe
- Sito official del UMI: http://www.interlingua.com/
