Ferdinand Marcos
From Wikipedia
 |
|
| Maika-10 a Pangulo ti Filipinas Maika-6 a Pangulo iti Maika-3 a Republica Umuna a Pangulo iti Maikapat a Republica |
|
|---|---|
| Panagtakem | |
| Deciembre 30, 1965 – Febrero 25, 1986 | |
| Bise Presidente | Fernando Lopez (1965-1972) Arturo Tolentino (1986) |
| Sinarunona | Diosdado Macapagal |
| Simmaruno | Corazon Aquino |
| Naipasngay | Setiembre 11, 1917 Sarrat, Ilocos Norte |
| Pimmusay | Setiembre 28, 1989 Honolulu, Hawaii, Estados Unidos |
| Partido political |
Partido Nacionalista (1965-1978) |
| Asawa | Imelda Romualdez |
| Relihion | Catolico Romano (sigud a Aglipayano) |
| Pirma |  |
| Maika-3 a Primo Ministro ti Filipinas Primo Ministro ti Maika-2 a Dictadoria |
|
| Panagtakem | |
| Junio 12, 1978 – Junio 30, 1981 | |
Ni Ferdinand Edralin Marcos (Setiembre 11, 1917–Setiembre 28, 1989), maysa nga Ilokano, ket ti maikasangapulo a pangulo ti Filipinas a nagserbi manipud idi 1965 agingga iti 1986. Nagbalin a dictador idi mangrugi iti maikadua a panagtakemna iti kinapresidente tapno maiturayanna ti pagilian, babaen ti panangyetnagna iti Linteg Militar idi 1972 ken panangipasdekna iti "Baro a Kagimongan" (English: New Society, Tagalog: Bagong Lipunan). Ngem napatakkias ni Marcos iti poder idi 1986 babaen ti Revolusion iti Edsa kalpasan a nagrebelde ti dua nga Ilokano a nangangato nga nga ofisial ti turay, da Ministro ti Defensa Juan Ponce Enrile ken Heneral Fidel V. Ramos, ket kimmapponda ken ni Corazon Cojuangco Aquino (balo ni dati a Senador Benigno S. Aquino a napapatay idi 1983), a nagbalin a pangulo kalpasanna.
Naipasngay ni Marcos idiay Sarrat, Ilocos Norte, anak da Mariano Marcos ken Josefa Edralin. Idi 1937, bayat ti panagbasana iti kinaabogado idiay Universidad iti Filipinas, naidarum ni Marcos ta napabasol a nangpapatay ken ni Diputado Julio Nalundasan, maysa a karibal ni tatangna a Mariano iti politica. Naibalud idi Noviembre 1939, ngem nagkiddaw iti Korte Suprema ti Filipinas a depensaanna a bukod ti bagina, ket nangabak iti kasona iti sumaruno a tawen.
Nagturpos idiay Universidad iti Filipinas, ken nakaala iti kangatuan a promedio iti examinasion para kinaabogado (bar) iti Filipinas idi 1940.
Iti las-ud ti Maikadua a Gubat iti Sangalubongan, nagserbi ni Marcos a soldado iti Armado a Fuerza ti Filipinas. Kalpasan ti gubat, nagbalin a kabadangan ni Presidente Manuel Roxas manipud 1946 agingga iti 1947, sa kameng iti Kamara dagiti Pannakabagi (1949-59), ken kas senador (1963-65) a nangidauluanna iti Senado kas presidente. Idi 1954, inkasarna ni Imelda Romualdez, maysa a Bisayana a tubo iti Leyte, a timmulong ken ni Marcos iti naballigi a panagkampaniana para presidente.
Kalpasan a saan nga innaganan ti Partido Liberal ni Marcos a kas ofisial a candidatoda para presidente, immallatiw isuna iti Partido Nacionalista, a nangdutok kenkuana a candidatoda a kadua ni Fernando Lopez a para bise presidente. Inabakda ti situtugaw idi a pangulo ken candidato manen a ni Diosdado Macapagal kasta met ti para bise presidente a ni Genaro Magsaysay, iti eleksion idi 1965.
| Immuna ni: Diosdado Macapagal |
Pangulo iti Filipinas 1965–1986 |
Sinaruno ni: Corazon Aquino |
| Immuna ni: Restored |
Primo Ministro iti Filipinas 1978–1981 |
Sinaruno ni: Cesar Virata |
| Dagiti Presidente ti Filipinas |
 |
| Aguinaldo | Quezon | Osmeña | Laurel | Roxas | Quirino | Magsaysay Garcia | Macapagal | Marcos | Aquino | Ramos | Estrada | Arroyo |
 |
Daytoy nga articulo ket maysa a pangted. Makatulongka iti Wikipedia babaen ti panangnayon wenno panangtarimaan iti daytoy nga articulo. |
