Pammadayaw a Palanca
From Wikipedia
Ti Pammadayaw a Palanca (Palanca Awards) wenno Pammadayaw a Pakalaglagipan ken Don Carlos Palanca para iti Literatura (Don Carlos Palanca Memorial Awards for Literature) ket isu ti mabigbig a kalatakan a pammadayaw wenno salip iti literatura iti Filipinas, nga ilunglungalong ti familia Palanca iti Filipinas kas pangtaginayon iti lagip ni Don Carlos Palanca Sr., maysa a negosiante nga am-ammo kas nangbuangay iti pagpartuatan ti arak a mangar-aramid iti nalatak a mainum a Ginebra San Miguel.
Imatmatonan ti Carlos Palanca Foundation, narugian ti Pammadayaw a Palanca idi 1950 iti salip iti ababa a sarita iti dua a benneg, iti English ken Filipino (Tagalog). Idi 1953, nainayon kas kategoria ti maysa-a-parang a drama. Ti daniw idi 1963, naan-anay a drama idi 1975, ti salaysay idi 1979, sa ti novela idi 1980. Nainayon pay ti ababa a sarita para iti ubbing idi 1989, ti teleplay wenno script iti television idi 1990, ken ti screenplay wenno script iti pelicula idi 1994.
Idi 1997, nainayon ti tallo a benneg ti salip: ti Iloko, Cebuano ken Hiligaynon a benneg ti salip iti ababa a sarita. Naluktan met idi 1998, ti salip iti panagsurat iti salaysay para kadagiti agtutubo. Sa idi 2000, narugian ti baro a categoria: ti salip iti Fiksion iti Masakbayan (futuristico a fiksion) wenno ababa a sarita a maipapan iti/kadagiti pasamak wenno mapasamak iti masakbayan ti Filipinas.
| Listaan ti nangabak iti Pammadayaw a Palanca
2006 - 2005 - 2004 - 2003 - 2002 - 2001 - 2000 |
 |
Daytoy nga articulo ket maysa a pangted. Makatulongka iti Wikipedia babaen ti panangnayon wenno panangtarimaan iti daytoy nga articulo. |
