Bruce Willis
From Wikipedia
Walter Bruce Willinson alias Bruce Willis esas Usan aktoro. Ilu naskis ye 19 di marto 1955 en Idar-Oberstein, West-Germania. Lua patro esis Usana soldato (David) e matro Germanino (Marlene).
Ye 1957 la familio translojis a Nova-Jersey. Ibe la futura filmo-stelo frequentis skolo. Ye 1971 David, nun weldisto, e Marlene, hemala matro, divorcis.
La matro impulsis Bruce, la taxiisto e noktala guardisto, enirar universitato ye 1973. Ibe Bruce impetuas pri pleado en teatro e pose ilu translojas a Manhattan e studias sub la kondukto di dramato-docisto Stella Adler. Samatempe Bruce komencas vesperala laboro en taverno.
Ye 1977 Bruce Willis pleas unesmafoye profesionale en la dramato Heaven and Earth. Ye 1980 ilu esas kurte vidita en la filmo The First Deadly Sin kom aden taverno venanta viro. Ye 1984 ilu vizitas en parto di Miami Vice. Samayare il partoprenas probala cinematografo por esar amanto di Madonna en la filmo “Ube tu esas, Susan?” Ilu ne ganas la rolo, ma la probi duktas a la rolo en la filmo Moonlight ye 1985.
Ye 1986 la kantanta stelo publikigas muziko-disko The Return of Bruno. La granda kanto esas Respect Yourself. Ye 1987 Willis esas arestita pro bruisoza festo hemala. Nova muziko-albumo esas publikigata ye 1989.
Ye 1987 Willis inkuras Demi Moore e pose mariajas kun el. La mariajo esas ye 1988 dum la cinematografo dil unesma Die Hard. La filmo divenas serio: Die Hard 2 ye 1990, Die Hard 3 ye 1995. Ye 1989 Bruce donas sua voco por bebeo en la filmo Who’s talking?
Ye 1991 Bruce Willis kompozas muziko por la filmo Hudson Hawk, ma la filmo ne esas sucesoza. Ye 1994 Willis pleas kom boxisto Butch en la filmo Pulp Fiction, qua donas nova acenco por la stelo. Ye 1995 il pleas en la filmo 12 simii da ex-Monty Python Terry Gilliam. Ye 1997 il pleas en Fifth Element e Shakalo. Ye 1998 il pleas en Armageddon kom oleo-drilisto Stamper, quo salvas tota mondo. Ye 1999 il pleas en la filmo Sixth Sense da M. Night Shyamala. La kunlaboro prolongas ye 2000 en Unbreakable.
Ye 2000 Bruce e Demi desmariajas. Li havas tri filiini (nask. 1988, 1991, 1994). La genitori disputas pro havajo di 150 miliono dolari. Ye 2001 Bruce Willis anuncis, ke ilu ne plue pleas en aktionala filmi. Quankam ye 2003 il pleas en la filmo Tears of the Sun e ye 2005 en Hostage.
[redaktar] Adextera ligilo
Oficala retsituo di Bruce Willis.
