Juliana kalendario
From Wikipedia
|
|
|---|
| Babiloniana > Egiptiana > Romana > Juliana > Gregoriana |
Romana kalendario funcionis ne-korekte. Dum yari la kalendario ne valoris por naturala yaro, e sacerdoti adjuntis plusa monati segunvole. Pro to Julius Caesar employis Egiptiana astronomo Sosigenes por novigar la kalendario.
Juliana kalendario havis 365 dii, ed en omna quaresma yaro juntesis a februaro un bixestilala dio. La komenco di yaro esis translacata de marto a januaro. Anciena nomi di monati restis, do, exemple, okesma Romana monato oktobro divenis nun dekesma monato.
Segun dekreto di Caesar, on komencis uzar la nova kalendario ye 46 aK. Ca yaro esis eceptale 445 dii longa. 50 yari pose Romana senato translacis un dio de februaro ad agosto. La motivo esis tre humana: la monato di Julius Caesar, do julio, havis 31 dii, e cezaro Augustus volis, ke anke sua monato, do agosto, esabus egale longa. Tale februaro kurteskis 28-dia.
Juliana kalendario esis 11 minuti e 14 sekundi plu longa kam naturala yaro, do dum 128 yari Juliana kalendario avaneskis un dio de naturala yaro. En koncilio di Trenton ye 1545–1563 on decidis novigar la kalendario, e ye 1582 papo Gregorius 13ma donis bulao(?), pri to, ke tayare on translacis de 4ma di oktobro direte a 15ma di oktobro.
