Koloniigo di Oceania
From Wikipedia
Cirkume 50.000 yari ante nun en mondo jacis glaciala ero. Tatempe la sudesta parto di Azia, nuna Malaka-peninsulo ed insuli di Sumatra, Borneo e Celebes esis kune formacante granda peninsulo. Anke nuna Nova-Guinea ed Australia esis kune, e nur relative mikra stretajo separis la du arei. La unesma ondo di populeso, le Sundaido, migris a ca areo ja dum la glaciala ero.
Plu nova koloniigo komencis c. 4000 aK. La komenco-loko esis nuna Taiwan, qua recevabis lua habitantaro de kontinento. La migranti esis sendubite ula Mongola populeso.
La homi migris de Taiwan a sudo til Filipini e Borneo. De-ibe la populeso avaniris til Bismarck-Insulo pasante Nova-Guinea c. 2600 aK La Sundaida populeso en ca areo asimilesis, e la originala Sundaidi, nuna aboriginali, restis en Nova-Guinea ed Australia.
Dum tempo de 1600 til 1000 aK. on koloniigas Mikronezia (en nordo), Melanezia (en mezo, Fidji, Samoa, Tonga) e westa Polinezia (Cook-Insuli, Societo-Insuli). Cirkume 500 aK avannavigesas ad esta Polinezia (Marquesas-Insuli, Pasko-Insulo). De Marquesas-insuli on navigis til Havayi. La lasta stadio esis la koloniigo di Nova-Zelando c. 800 pK da Maori de Polinezia.
Segun la teorio di Thor Heyerdahl la habitanti di Oceania navigis per rafti de Sud-Amerika. Nune on opinionas, ke ula kontakti inter Ozeania e Sud-Amerika existis, ma nula signifikanta migrado ne eventis.
Pos la reala deskovreri di Pacifika Oceano adnavigis la Europala exploristi, qui deskovris ja habitita insuli.
